Presidenti i Partisë së Lirisë Ilir Meta në rrjetet sociale ka reaguar në lidhje me thirrjen e tij nesër për tu pyetur në SPAK.
Meta shprehet që do të jetë atje në seancë për çdo pyetje nga mediat që do të jenë të pranishme.
“Sapo mësova nga mediat e regjimit, që nesër unë, lideri i Partisë së Lirisë, forcës së dytë opozitare dhe forcës së tretë politike në vend, qenkam thirrur për t’u pyetur nga organizata kriminale SPAK, e cila firmosi rrëmbimin tim të paligjshëm dhe banditesk.
Padyshim që do jem atje për t’i marrë unë në pyetje dhe pas kësaj seance jam i hapur për çdo pyetje nga mediat që do të jenë të pranishme”, shkruan Meta.
