Pas daljes së rezultateve në zgjedhjet lokale të 12-13 shkurtit në Itali, ku pjesë e garës për këshillat rajonale u bë dhe Valentina Ndocaj, bashkëshortja e ish deputetit lezhian Eduart Ndocaj, e cila nuk arriti të siguronte për një pëqindje mjaft të vogël mandatin e këshilltares, vjen dhe mesazhi falënderues nga ana e familjes Ndocaj për të gjithë mbështetësit dhe zgjedhësit që u përpoqën ti jepnin zë shqiptarëve të Italisë, përmes kandidaturës së Valentina Ndocajt.
Në mesazhin falënderues të çiftit Ndocaj, theksohet rëndësia që patën këto zgjedhje dhe mundësia reale që patën shqiptarët e Italisë për tu përfaqësuar denjësisht dhe për ti dhënë zë botës së tyre dhe proceve integruese.
Mesazhi i plotë:
Duke ju falënderuar për çdo përpjekje dhe mbështetje të bashkëshortes sime, Valentina në këto zgjedhje arriti të marrë 8% të votave të forcës “Noi Moderati” në Breshia, duke u radhitur e dyta në listën e 10 kandidatëve, ku e kryesonte senatori Vitorio Zgarbi. Shumë shqiptarë kanë shkuar të votojnë pa teserën e votimeve, vetëm me kartën e identitetit, gjë e cila ka pamundësuar votimin e tyre. Gjithsesi, ju falënderojmë përzemërsisht, unë dhe bashkëshortja ime Valentina, për mbështetjen tuaj, qoftë morale qofte edhe politike. NOI MODERATI në këtë këshill regjional arriti të marrë 1.16% , duke siguruar 1 këshilltar dhe për vetëm 0.34% do kishte dalë edhe i dyti. Kjo do ishte mundesia reale e një shqiptareje për të qenë përfaqësuese në nivelin vendor të pushtetit në Italinë mike. Falënderime dhe mirënjohje për secilin nga Ju!
