Nga Vesel BAJRAMI
Ta ngrisim zërin për padrejtësitë që po u bëhen krerëve të UCK-së në Hagë. Diaspora kërkon mobilizim të spektrit politik për një protestë paqësore në Prishtinë dhe në të gjitha qendrat shqiptare, Prizren, Tiranë, Vlorë, Shkup, Tetovë etj.
Përmes kësaj proteste paqesore, duam të japim mesazhin se tërë shqiptaria është me Çlirimtarët. Krahas kësaj ideje diaspora gjithashtu ngrit zërin duke kërkuar të mbahet një koncert në Kosovë, mundësisht në Prishtinë moton “Liri për Çlirimtarët”, ku të hyrat financiare do i dedikoheshin Hashim Thaqit, dhe të tjerëve që mbahen aktualisht peng në paraburgim nga gjykata speciale e Hagës
Një koncert i organizuar mirë, do të ishte edhe një mesazh për gjykatën speciale se populli i Kosoves është pranë bijve të vet, si në luftë ashtu edhe ne paqe. Hashim Thaqi, Kadri Veseli, Rexhep Selimi, Jakup Krasniqi, e të tjerët, janë gjaku dhe venat e shtetit të Kosovës. Kërkojmë mbështetjen nga OVL e UÇK-së, Partive politike pa dallim, Komunës së Prishtinës, artistëve (këngëtarëve nga estrada), që të japin kontributin e tyre për t’u jetësuar kjo ide për organizim të një koncerti.
Të bëjmë ne pak, për ata që bënë shumë për popullin.
