Pas Muci Shalianjit, drejtorë të lidhur me krimin e organizuar dhe emërime nepotike kundrejt rryshfetit në AMP
Drejtori i AMP në Durrës Endri Mema dhe i biri Sergio Mema këshilltar pranë kreut të institucionit Eduart Merkaj
Një denoncim anonim i mbërritur në redaksinë e Publik.al ngre akuza serioze për konflikt interesi, nepotizëm dhe praktikë të dyshuar abuzive brenda strukturave të Agjencia e Mbikëqyrjes Policore. Në qendër të këtij denoncimi përmendet drejtuesi aktual i institucionit, Eduard Merkaj, si dhe disa funksionarë të tjerë të lidhur familjarisht.
Sipas informacionit të ardhur, rasti përfshin një strukturë të dyshuar ndikimi të ndërtuar mbi lidhje familjare dhe kontroll hierarkik të përmbysur, ku rolet institucionale dhe marrëdhëniet personale ndërthuren në mënyrë problematike.
Endri Mema eshte Drejtor i AMP-Drejtoris Durres.
I biri Sergio Mema
Keshilltar i drejtorit Pergjithshem Eduart Merkaj ne Tirane. Po ne Durres rezulton te punoje Butrint Imeri shef sektorit ne kete drejtori, kushëri i Drejrorit Endri Mema.
Denoncimi i plotë:
“Te nderuar gazetare te PUBLIK MEDIA, shpresoj qe ta publikoni kete rast te çuditshem per nje agjensi shume te rendesishme sic eshte AMP. Endri Mema eshte Drejtor i AMP-Drejtoris Durres. I biri Sergio Mema
Keshilltar i drejtorit Pergjithshem Eduart Merkaj ne Tirane. I biri kontrollon babin ne Durrres. Po ne Durres dhe Butrint Imeri shef sektorit ne kete drejtori
Eshte kusheri me Endri Mema. Te gjithe hallexhinjte e policise “votojnë” cash tek Endri qe nga Durresi, Kruja e Kavaja.Nuke di nese i ka deklaruar pasurite qe ka ne Vlore. Shpresoj qe te mos keni frike dhe te jeni te blere si mediat e tjera.”
Në fakt, redaksia e Publik.al e verifikoi faktin dhe rezulton se i biri i Endri Memës është këshilltar i kreut të APM-së, Eduard Merkaj.
Një burim tjetër i tha gazetarit tonë se Endri Mema ka qenë drejtor i AMP në Vlorë dhe rreth vitit 2023 është shkarkuar nga ish-kreu i AMP-së i asaj kohe, Ardi Veliu, pasi nuk rezultonte me certifikatë sigurie, duke u transferuar në Berat.
Redaksia i ka nisur një kërkesë zyrtare për informacion kreut të APM-së, Eduard Merkaj, për rastin në fjalë.
