GEZUAR 31-VJETORIN ‘PD LIBRAZHD’✌
Ne sot jemi këtu për të kujtuar ditën e themelimit të PD-së Dega Librazhd. 31 vjet më parë në 14 shkurt 1991 një grup intelektualesh nën një presion të pakrahasueshëm, të terrorizuar egërsisht nga sigurimi i shtetit, vrane friken dhe themeluan forcën e parë opozitare në rrethin tonë.
Mirënjohje të thellë për themeluesit, për dejtuesit ndër vite, njerzit e betejave, sakrificave deri në infinit për të jetësuar pluralizmin dhe konsolidimin e demokacisë. Unë, përulem para gjithë atyre qendrestarëve, militantëve, inlelektualëve të ndershëm e shumë bashkëudhëtarësh që kurrë nuk e kanë vështruar PD-në në këto 31 vjet si burim përfitimi por janë rrekur pas saj me besim, shpresë, të frymëzuar me idealet e dhjetorit për ta bërë Shqipërin si gjithë Europa. Ne sot kemi problemet tona, kuptohet edhe mërziti por gjatë 31 viteve PDSH ka kaluar sfida madje shumë të rënda por kurrë nuk jemi gjunjëzuar jemi ringritur më fuqishëm sepse kauza jonë është më e madhe se interesat e një apo më shumë individëve. Ne sot që të vitalizohemi shpejt, duhet të kujtojmë të shkuarën 31 vjeçare madje edhe ngjarje konkrete si largimin e Eduart Selamit në 1994, largimin e Neritan Cekës, Preç Zogajt, Arben Imamit, Gramoz Pashkos, përjashtimin e Azem Hajdarit nga grupi parlamentar, mos kthimin e pronave, rehabilitimin e të përndjekurve, rishkrimin e historisë e shumë anomali të shkaktuara. Duhet ti kujtojmë që mos gabojmë përsëri por të rigjenerojmë PD-në pa grabitqarët, zullumqarët dhe xhepistët se vetëm kështu do bëjmë një PDSH alternative konkrete për të marrë pushtetin.
Sot janë ftuar të gjithë demokratët që kanë qënë dhe 1 orë të angazhuar në këtë forcë politike të jenë pjesë e kësaj ceremonie festive. Por ne sot nuk kemi mes nesh Kryetarin e grupit nismëtar Dr Liman Menallën dhe shumë të tjerë që nuk jetojnë më, prandaj ju ftoj të mbajmë 1 minut heshtje në respekt të tyre, të paharruar, u prehshin në paqe pranë të madhit zot. Ne sot nderojmë dhe vlerësojmë të gjithe ata që kanë drejtuar degën, kryetarët, sekretarët, nën/kryetarët, anëtarët e kryesisë, kryetarë/ sekretarë grupseksionesh e seksionesh dhe çdo antarë që ka qënë pjesë në këto 31 vite. Ne sot vlerësojmë të gjithë ata që kanë drejtuar, të zgjedhur apo të emëruar, deputetë, kryetar Bashkishë apo Komunash, anëtar këshilli apo punonjës administrate. Ne sot kujtojmë me nderim të thellë ish të përndjekurit politikë dhe pronarët si oksigjeni i rrugëtimit tonë, intelektualët, profesionistët, militantët dhe këdo që ka vendosur një dorë në mbrojtje të demokracisë dhe lirisë. Ne sot duhet të ftojmë, gjithë ata që për një arsye apo tjetër janë larguar dhe të jenë të bindur se emri i tyre është pjesë e historisë tonë 31 vjeçare.
Unë sot e 8 vjet, drejtoj Degën e PD-së me ju dhe mbështetjen tuaj të padiskutueshme, drejtoj me vullnet dhe dëshirë për të bërë më të mirën por misioni është më i madh dhe duhet të çojmë në fund atë që lam për gjysëm në 1990.
Kjo ditë e madhe për pluralizmin në Librazhd përkon me ditën e të dashuruarve “Shën Valentinit” dhe gjejë rastin ti uroj nga zemra për dashurinë e vertetë, për dashurinë e nënës me fëmijën, për dashurinë e familjes, për dashurinë me njëri tjetrin si etalon vlerash nē bashkejetesën komunitare, për dashurinë ndaj vetes duke larguar urrejtjen, cinizmin, mosmirënjohjen për tu bërë më tē mirë ndaj ambjentit dhe produktivë ndaj shoqërise.
Realiteti eshte ky…
Kryetar Partia Demokratike Dega Librazhd
Bujar Vreto
14-02-2022
