Deputeti i Partisë Demorkatike, Arbi Agalliu nga ambientet e Pallatit të Kongreseve ka folur për të ardhmen dhe Çështjen “Berisha”.
Sipas Agalliut në PD nuk mund të ketë persona që preken nga dekriminalizimi dhe ata që janë shpallur non grata nga Shtetet e Bashkuara të Amerikës.
“Në gjithë tavolinat përkatëse, delegatët janë duke firmosur dhe në këtë kontekst nëpërmjet kamerave ka një transparencë. Ne pas këtij Kuvendi do të kemi një PD më të mirë dhe më të hapur. PD t’i drejtohet shtresës së mesme dhe qytetarëve. Hapja e partisë futja në komunikim dhe diskutim publik i të gjithë atyre që mendojnë ndryshe por janë profesionistë, e kemi si bindje një ndër objektivat e PD sot është çliruar nga çdo dualizëm dhe kemi një qëllim të bashkuar dhe të hapemi për prurje të reja gjithmonë në mënyrë institucionale. Shqipëria e 2022 duhet të diskutojmë në mënyrë të mirë pa ofendime dhe pa urrejtje. Ne duhet të ecim përpara me një frymë evropiane të zhvilluar. PD nuk duhet të mbahet peng.
Është diskutuar një pikë që personat e shpallur non grata mos jenë pjesë e strukturave të PD, është një formë për të lënë Berishën jashtë PD-së? “Unë nuk dua të ngel peng për një emër të caktuar. Unë kam konsideratë për çfarë ka bërë Berisha dikur por tani ka ardhur koha të hapë krahun. Zoti Berisha ka kontribuar për PD, ka vendosur themelet e shtetit shqiptar por duhet t’i hapë rrugë zhvillimit dhe mendimit ndryshe dhe mos kthehemi pas në kohë. Duhet t’i themi stop individëve për dekriminalizimin , t’i themi stop individëve që janë shpallur non grata nga SHBA. Dyert e PD janë të hapura për këdo, duhen vendosur disa parime që nuk ka të bëjë kulti i individit por të jemi të gjithë të barabartë”, tha Agalliu.
