Kryeministri Edi Rama ka shprehur kritika ndaj bashkive të cilat përdorin platformën e bashkëqeverisjes, për të cilën deklaroi se kanë qenë më pak aktivë se institucionet e tjera.
Nga Shkodra, aty ku prezantoi ligjin e ri për bashkëqeverisjen, Rama paralajmëroi sanksione për kryetarët e bashkive, nëse nuk zgjidhin në kohë çështjet e qytetarëve.
Kreu i qeverisë tha se sanksionet nuk do të jenë pafund, por pas dy ose tri gjobave, mund të aplikohet edhe shkarkimi nga detyra i kryebashkiakëve.
“Në platformë ka ankesa që lidhen me prokurorinë dhe gjykatat. Kjo nuk është pjesë e qeverisë, nuk e trajton pushteti eksekutiv. Të gjtiha ato çështje adresohen për ndjekje në oprganet përkatëse. Aty nuk kemi kapacitet imponues, ligjërisht pushtetet janë të ndara. Pavarësiksht se ka qytetarë që kur bëjnë komente në faqet tona sociale, kërkojnë zgjidhje për problematika që u takojnë prokurorive dhe gjykatave. Këto institucione nuk janë ende sot në funksion të plotë dhe në mbështetje të qytetarëve që kanë nevojë për drejtësi. Kush ka menduar që drejtësia e re dhe reforma në drejtësi do ishin sa hap e mbyll sytë, ka imagjinuar diçka që nuk ndodh. Është një proces rindërtimi i ndërlikuar. Gjithë pjesa tjetër e çështjeve që lidhen me detyrimet e agjencive të pushtetit ekzekutiv janë çështje që marrin zgjidhje.
Një pjesë tjetër e çështjeve të mbetura pezull është për bashkitë. Për çudinë time më të madhe, Bashkitë të cilat janë instituicuionet që janë më afër qytetarëve nga natyra, janë më pak aktive në këto 4 vite të jetës së platformës. Në rast se me agjencitë e pushtetuit ekzekutiv, skuadra e platformës e ka më të thjeshtë ndërveprimin, duke e përdorur vertikalisht ministrat, me bashkitë e ka shumë më të vështirë. Me ligjin që hyn në fuqi, kryetarët e Bashkive do sanksionohen financiarisht për mos zgjidhje të çështjeve të qytetarëve në raste kur këto çështje janë të drejta, dhe për më tepër për mos dhënien në kohë të shërbimeve. Sanksionet do shkojnë deri në maj, nuk do jenë pafund, do sanksionohen njëherë dy herë ose tre, pastaj do kalojnë në fazën tjetër, atë të shkarkimit” – tha Rama.
Më herët Rama u shpreh se kalimi i të gjitha shërbimeve me dokumentacione nuk është i lehtë.
“Kur ndodh që shërbimi në e-albania nuk kryhet keni menjëherë platformën e bashkëqeverisjes, mjafton të ngreni problemin. Mik më të fortë se sa të drejtëpërdrejtë, se sa ministrin përkatës, nuk keni ku gjeni. Vetvetiu ligji ta bën mik ministrin përkatës dhe çështja jote nëse të takon, zgjidhet. Nuk do të ketë më sportele, do të mbyllen. Duhet ta dinë të gjithë… inercia është shumë e fortë. Kalimi në këtë sistem nuk është i lehtë. Vetë qeveria, ne e kishim gati sistemin për të qarkulluar të gjithë dokuemnete pa letra, dhe nuk ndodhte. Vazhdonin me letra. Si u zgjidh, nuk u bë duke thënë mos e bëj këtë. Pasi administrata poshtë vazhdonte. U zgjidh vetëm kur u dha urdhri nga qeveria. Menjëherë brenda një jave u zgjidh. Kështu dhe me sportelet, nuk do të ketë sportele.
Nuk ke nevojë të dalësh nga shtëpia për të zënë rradhën, aty në shtëpi tek platforma e-albania. Që nga regjistrimi i fëmijës në shkollë, tek pensionet. Çfarë shteti ka detyrimin të bëjë, për gjërat që ka lidhje me dokuemnte është aty. Rryshfeti është aty. Ti nuk e di fare që kush është personi të të bëjë letrën. Vetëm për arritjen e temave të mjekësisë nuk ka arritujr shkenca që të bëjë vizita online apo dhe operacione online. Ky shtet nuk do ketë më sportele për të marrë letra. Sportelet kur shkon në spital, diku tjetër që janë shërbime fizike, kjo është temë tjetër, por jo për dokuemnte. Ambicia dhe stresi dhe ëndrra ime është që brenda këtij mandati, është që hipoteka të vijë për 1 minutë në telefon” – tha Rama.
