Nga Paulin Marku, anëtar i Këshillit Kombëtar të PD-së
Sot demokratët dhe qytetarët e ndershëm gjenden para një alternative shumë të rëndësishme , kjo për Partinë Demokratike në veçanti ,por edhe për fatet e shqiptarëve dhe për kombin shqiptar në përgjithësi. Partia Demokratike dhe anëtarësia e saj ,sot janë para një reflektimi real, në një situatë të vështirë ,delikate, emocionuese e paparashikueshme, e cila në këto moment kërkon një klimë politike, të qetë ,pa ndarje, pa sharje, pa përbuzje, pa denigrime personale, pa inate ,pa epitete, pa shpallje kundërshtarësh e armiq në gjirin e Partisë.
Zgjedhjet parlamentare të 25-Prillit u zhvilluan në një klimë jo realiste dhe të barabartë mes subjekteve garuese, një administrate në shërbim total të pushtetit me të gjitha format dhe mënyrat jo demokratike, me blerje masive votash, kjo edhe për mentalitetin e njerzëve dhe moskrijimin e besimit nga opozita.
Për Partinë Demokratike sot është e nevojshme më shumë se kurrë:
1.Hapja ,modernizimi, gjithpërfshirja, mos përjashtimi ,bashkimi i të gjithë kontribuesve në këto 30- vite,pa dallime e pa dyshime edhe të atyre që kanë mendime ndryshe , të larguarve në mënyrë të padrejtë , të rinjve dhe të rejave.
2.Ngritja dhe funksionimi statutor i të gjithë strukturës Partisë Demokratike nga qendra e deri në bazë , pa ndikime ,por me vlerësim real e mundësi konkrete për të drejtuar misionin historik drejt fitores ,jo vetëm për demokratët ,por për të ardhmen e shqiptarëve.
3.Rishikimi i anëtarësisë në bazë dhe freskimi praktik me anëtarë të rinj, në çdo seksion, grupseksion ,degë, kryesi, departamente ,forum rinor e LDG-së.
4.Krijimi i një grupi apo bordi, senati me drejtues të Partisë Demokratike në vite ,për këshillim,eksperiencë, gjithpërfshirje dhe vendimarrje.
5.Bashkëpunimi me shoqërinë civile dhe afrimi i specialistëve të fushave të ndryshme pranë çdo dege, grupseksioni dhe në qendër për hartimin e politikave lokale dhe qendrore.
6.Lidershipi drejtues në çdo qelizë të Partisë Demokratike duhet të jetë individ ,me integritet,me moral,i ndershëm, njohës i zonës ku operon , bashkëpunues ,i devotshëm, vizionar ,inisiator e vendimarrës kolektiv.
7.Pranimi i zërave dhe mendimit ndryshe ,respektimi i çdo mendimi, përfshirja në debate konstruktive ,hartimi i strategjive për çdo fushatë elektorale, përzgjedhja e individivë të pranueshëm e të respektuar në komunitetin ku jetojnë.
8.Organizimi dhe përfshirja e të rinjve dhe të rejave,nga gjimnazet apo shkollat e mesme, universitetet ,shkollat profesionale dhe ngritja e seksioneve përkatëse në funksion të sistemit të karriesës në Partinë Demokratike.
9.Takimet e vazhdueshme me strukturat e çdo niveli me qëllim ,rritjen e njohjes, kohezionit, mirëkuptimit, afërsisë me bazën ,problematikave të ndryshme, ndërhyrjes dhe zgjidhjes së problemeve që mund të krijohen.
10.Bashkimi dhe jo ndarja ,respekti reciprok dhe strukturor ,vlerësimi real dhe jo anashkalimi ,hapja serioze dhe gjithpërfshirja, respektimi i statutit dhe normave në Parti ,vendimarrje strukturore dhe jo individuale janë baza dhe suksesi për fitoren e Partisë Demokratike.
Ndarja është dëmi më i madh që i bëhet demokracisë dhe jo vetëm Partisë Demokratike.
