Nga Lirim NEZHA
Ajo që unë nuk kuptoj nga sjellja opozitare është përsëritja e herëpashershme e thirrjes që më 25 prill duhet të përmbysim të keqen. Ok,është shumë e vërtetë që rilindja duhet larguar një orë e më parë,por pse duhet pritur 25 prilli për të reaguar fuqishëm ndaj një afere të tillë shkatërruese për Tiranën si kjo përzjerja e Veliajt me Ndraghetën?
Ç’mrekulli do të na çliroi nga kthetrat e mafjes pas 25 prillit?A nuk do të na duhet të presim edhe ca derisa të ribëhen zgjedhjet lokale (nëse ndodh)?Apo ndoshta do të presim pak,deri më 2023-shin për të larguar Erionkën?!Sepse pas marrjes së pushtetit dihet që furia bie,torta të vel dhe lali mund të vazhdojë i qetë ta shkatërrojë Tiranën.
Ndërkohë që në Tiranë jetojnë thuajse gjysma e shqiptarëve.Janë disa pikëpyetje të cilat unë guxoj t’i ngre. Erion Velia nuk duhet të jetë tabu për opozitën. Ka bërë dëme mjaftueshëm për të ngjallur reagimin e ashpër popullor e për t’i dhënë edhe një shtysë morale SPAK-ut.Edhtë momenti më i mirë për opozitën që ta ndërpresë fushatën dhe të reagojë fuqishëm përmes protestave në një Tiranë të pushtuar nga mafja.
E nëse për Ramën po presim 25 prillin,banderolat duhet të jenë të tipit: “Erion Veliaj largohu!””Erion Veliaj përpara drejtësisë!”Derisa të largohet.Përmes zgjedhjeve ose përmes prangave.
