Kryedemokrati Lulzim Basha, ka vijuar takim me të rinjtë edhe këtë të hënë.
Ditën e sotme Basha është ka organizuar bashkëbisedim me studentë të Universitetit Bujqësor të Tiranës, ku edhe u njoh me problematikat, sakrifcat dhe hapësirat e të rinjve në treg.
Basha deklaroi se sfida e PD është të ndalë largimin e të rinjve ose siç e quan ai, ndaljen e katastrofës kombëtare.
“Vendimet janë përqendruar në duart e disa oligarkëve. Me të vërtetë kemi shumë asete natyrore dhe shumica prej tyre nuk janë vendosur në punë, por aseti numër një mbetet rinia dhe nuk është bërë asgjë deri më tani për ta. Objektivi I Partisë Demokratike do të jetë zhvillimi ekonomik”, tha Basha.
