Nga Agron PREBIBAJ
KOSOVO-FOBIA RAMA!
Si gjithnjë Kosova e prerë në besë nga politika zyrtare e Tiranës, e frymosur nga regjimi komunist e sot nga pinjollet e tyre nën maskën socialist e rilindasitRama, u gjend nën leksionin e politikanes së re shqiptare zj.Vjosa Osmani e cila qartësoi të kaluarën e hidhur, lashtësinë e kombit pro Europian, si dhe qartësoj të ardhmen tonë të përbashket si komb.
Vërtetë fjalimi më brilant që ka ardhur ndonjëherë në Parlamentin e Shqiprisë, fjalimi i një politikanje të re të Kosovës e kombit, e cila solli emocion, fakte, kritika, strategji e nacionalizmin e shëndoshë me frymë njerëzore të një nëne shqiptare edhe kur ajo është e brengosur.
Presidentja Osmani, në vend të urrejtjes përcolli bashkëjetesën nepermjet faljes e cila duhet të vijë nga Serbia, e cila vrau më shumë se 1000 fëmijë si dhe detyrimin që nënat kosovare të kenë vendin ku të qajnë e të vendosin lule.
Mesazhet për gjenocidin Serb ndaj popullit shqiptar të Kosovës ishin një tjeter apel për politikën shqiptare, për miratimin e rezolutës nga Parlamenti i Shqiprisë për genocidin ndaj bashkëkombasve e deri unifikikimi klases politike shqiptare në gjitha shtetet ku jemi të vendosur.
Qeveria mori kritika të forta për traun mes shqiptarësh dhe dhimbshurinë për Serbinë, me qellim se shqiptarët të levizin në drejtim të njëri-tjetrit sikur e deshën të parët tanë, ashtu siç apeloi Konica i madh për kombin.
Ndersa i gjati i Shqiprise z.Edi Rama me disa ministra braktisi turpësisht fjalën e Presidentes Vjosa Osmani, e cila vetëm se frymëzoi qartazi kombin në politikbërjen mbarë shqiptare.
Dje Edi Rama, e vulosi se: ” E duam Kosovën pa kosovarë”, i frymëzuar nga shpirti i etërve për pjesën vitale të kombit tonë.Krenari për Vjosën, e turp për KosovoFobinë Rama, e cila ishte çmenduria e tij anti-shqiptare!
