Ministrat e Qeverisë së Edi Rama vazhdojnë me luksin e jetës, dhe veshjet firmato me çmime marramendëse në një Shqipërië, që është me popullsinë ndër më të varfërat në rajon.
Kësaj radhe me veshje të shtrenjta shfaqet ministri i Shtetit për Rindërtim, Arben Ahmetaj, që po përkujdeset për menaxhimin e fondeve për rindërtimin e zonave pranë bregdetit që u goditën nga tërmeti i vitit të kaluar. Ahmetaj është bërë protagonistë i rrjeteve sociale dhe disa portaleve shqiptare, që ka tërhequr vëmendjen me veshjen e tij.
Ai është shfaqur me një xhup të markës luksoze franceze “Moncler”, i cili kushton mbi 1400 euro. Xhupi është i koleksionit të fundit të kësaj firme, që njihet si një markë elitare, e preferuar nga të pasurit. Kjo ndodhë në një vend si Shqipëria e varfër ku rroga e një punëtori është pak më tepër se 200 euro.
Arben Ahmetaj, ka lënë pas edhe vetë kryeministrin Rama, i cili shfaqet me një xhup adidas, të prodhuar në bashkëpunim me ekipin e Juventusit, me çmim mjaft modest.
Më poshtë mund të shihni fotot e ministrit me xhupin francez, që kushton sa rroga mujore e një drejtori në administratën publike dhe është i përballueshëm kryesisht nga oligarkët dhe të pasurit e Shqipërisë. (INA)
