Të gjithë e dimë se ish-deputeti Eduart Ndocaj, krahas politikës, ka një pasion të vecantë për artin në përgjithësi dhe për pikturën në vecanti.
Në atelienë e tij, bien në sy shumë punime të fundit të cilat presin të paraqiten dhe të bëhen të njohura për publikun në ekspozitën e radhës që Ndocaj pritet të hapë.
Si një qytetar i formuar me bindje atdhedashurie, Ndocaj ka një prirje që krahas pikturave të ndryshme me motive të larmishme, të sjellë disa nga figurat kryesore më me ndikim në historinë e Shqipërisë, duke memorizuar vepren dhe kontributin e tyre të cmuar në projektimin e një Shqipërie të lirë dhe të pavarur.
Sot, ai ka ndarë me ndjekësit dhe artdashësit e tij, një pikturë kushtuar njërit prej figurave më të mëdha të Rilindjes Shqiptare, imzot Preng Doçi, abatit të shquar të Mirditës, i cili dha një kontribut në formësimin e identitetit tonë kombëtar.
Imzot Preng Doçi, Abati i madh i Mirditës, në përvjetorin e vdekjes
PIKTURË E PIKTORIT EDUART NDOCAJ.
Ato pak vepra që kemi, flasin qartë për ndjenjat e forta njerëzore, fetare, atdhetare e kulturën e gjerë që kishte Abati i Oroshit, imzot Doçi. Një nga veprat e tij është edhe “Shqipëria nën zgjedhën turke”, dhe “Shqipëria në robni”. Për imzot Doçin Rilindja Kombëtare qe një program , për t’i dhënë një hov të ri me shkolla e dije Shqipërisë e në mënyrë të posaçme zonës së Mirditës.
