Ish-deputeti Eduart Ndocaj, edhe pse jeton e punon në vendin fqinj të Italisë, i ndjek me mjaft vëmendje zhvillimet politike në Shqipëri, ndaj të cilave mban qëndrime dhe jep opsionet e tij.
Këtë të diel, përmes profilit facebook, “kaubojsi” ka nxjerrë gjithë “inatin” e tij me kryeministrin duke e konsideruar një bandit që me propagandë dhe show, përpiqet të fshehë dështimet dhe zullumet e qeverisjes.
Ndocaj, ka marrë shkas që në postimin e tij të reagojë ndaj kryeministrit Rama, pasi ky i fundit pak më herët kishte publikuar në faqen zyrtare të tij një video ku shfaqet në takim me forcat RENEA, duke demonstruar imazhe të Operacionit Forca e Ligjit, propagandë kjo në kuadër të miratimit të paketës anti KCK.
Në lidhje me këtë shfaqje të shëmtuar propagandistike, Ndocaj ka sjellë në vëmendjen e shqiptarëve faktin se, ky kryeministër i papërgjegjshëm, deklaron se do ti sekuestrojë pasuritë kujtdo që nuk arrin të justifikojë burimin e tyre, ndërkohë na gënjen hapur për vilën e tij në Surrel, duke përdorur si argumente herë paratë e gruas, herë partë e emigracionit.
Në fund të reagimit të tij, Ndocaj i ka kujtuar kryeministrit Rama, se Opracionin Forca e Ligjit duhet ta fillojë nga vetja dhe nga bashkëpunëtorët e tij, përndryshe askush nuk e merr seriozisht.
