Autoritetet e drejtësisë në Serbi kanë marrë vendim për shtetasin nga Kosova, Nezir Mehmetaj.
Indeksonline mëson se Gjykata në Beograd i ka caktuar masën prej 48 orë për mërgimtarin nga Kosova. Sipas serbëve, ai akuzohet për krime lufte.
Ndryshe, i arrestuari, Neziri ka afro 30 vite që jeton në Zvicër. Ai kishte ardhur në Kosovë për shkak se nëna e tij ishte e sëmurë.
Kësisoj, ai ishte nisur për Beograd për t’ia bërë analizat nënës së tij. Mirëpo, kur po kthehej në Kosovë, ishte ndalur në kufi nga doganierët serbë, duke i thënë se gjendet në ‘Stop listë’.
