TIRANË– Zëdhënësja e Partisë Demokratike Ina Zhupa ka publikuar disa dokumente në rrjetin social Facebook, ku denoncon kontratimin e disa tenderave nga kryebashkiaku Erion Veliaj.
Zhupa shkruan se Veliaj po bën vjedhje galopante ditën e fundit para se të lërë bashkinë e Tiranës.
Në dokumentet e publikuara nga ish-zëdhënësja e PD-së shihen kontratat e bëra me disa firma në lidhje me trajnimin e stafit të Bashkisë dhe me blerjen e pajisjeve të reja për zyrat për vitin 2019.
“5.2 milion euro tendera në një ditë! Abuzimi dhe vjedhja galopante e ditës së fundit të Veliajt para se të lërë bashkinë!
Me vendimin e Keshillit të Ministrave nr.284, datë 10.05. 2019 qeveria miratoi farsën e rradhës duke pezulluar zhvillimin e procedurave të prokurimit publik në të gjitha Bashkitë e vendit për periudhën e zgjedhjeve vendore farsë nga data 1 Qershor 2019 deri me 30 Qershor.
Abuzimi dallon qartë në Bashkinë e kryemashtruesit Erion Veliaj i cili ditën e fundit 31 Maj 2019 që mbyllet dhe sistemi i prokurimit publik sipas VKM për këto njesi vendore , ka arritur të tenderoj kontrata që shkojnë në një vlerë prej 5.2 milion euro . Tenderat e zhvilluar ne ditën e fundit janë abuziv dhe me vlera të 3 fishuara , këtu vërehen në tenderat si: per trajnim stafi të Bashkise , blerje mobiljesh!
Kjo është babëzia e atij që ka abuzuar çdo ditë në krye te bashkise dhe nuk mund të linte pa abuzuar dhe ditën e fundit!”– shkruan Zhupa krahas fotove.1 / 12
Foto të publikuara nga Zhupa
