Kandidati i Aleancës Demokristiane për kreun e bashkisë Lezhë, Eduart Ndocaj ka vazhduar dhe sot me akuza të drejtpërdrejta ndaj rivalit të tij socialist Pjerin Ndreu, të cilin e shënjestron në mënyrë të vazhdueshmë si hajdut dhe të implikuar me trafiqe të shumta gjatë kohës që ky i fundit ushtronte funksione të larta në policinë e shtetit.
Ndocaj, teksa ka mbajtur një qëndrim akuzues mbi projektin e shpallur të qeverisë shqiptare të aksit rrugor “Milot-Balldre”, i cili prodhoi një debat të madh në opionin publik për koston e lartë të investimit, ka hedhur akuza të forta ndaj qeverisë shqiptare, të cilën e sheh si të lidhur me krimin dhe me fije të forta klinteliste në koncesionet kyce që ajo po jep.
Në qëndrimin e tij, Ndocaj i ka kujtuar rivalit Ndreu se lezhianët nuk mund të mashtrohen me servilizmat e tij të pështirosura ndaj Ramës dhe as nuk mund të gënjehen me premtime delirante që kandidati i “rilindjes” i servir si programe zhvillimi për Lezhën.
Ndocaj, është treguar i drejtpërdrejtë ndaj rivalit të tij, të cilin e ka shigjetuar për paaftësi drejtuese, si dhe të padenjë për interesat përfaqësuese të komunitetit lezhian, pasi sic shprehet Ndocaj, kandidati i “rilindjes” e synon këtë bashki për përvetësim të pasurive publike dhe për shtrirje të kthetrave të mafias së pronave në vijën bregdetarë të Shëngjinit.
Në fund të postimit të tij, kandidati Eduart Ndocaj, fton qytetarët dhe zgjedhësit lezhianë të jenë vigjilentë ndaj votës së tyre, pasi Pjerin Ndreu dhe banda e tij, të vetmën shpresë kanë tek vjedhja dhe blerja e votave, sepse me votë të lirë dhe të ndershme kjo bandë zuzarësh po përballet cdo ditë me braktisjen që qytetarët lezhianë po i bëjnë takimeve të tyre.
Ndocaj, u kujton zgjedhësve lezhianë të votojnë me 30 qershor, numrin 2 në fletën e votimit, duke garantuar shpresë dhe perpsektivë për rimëkëmbjen ekonomike të bashkisë Lezhë.
