Pas miratimit në KQZ të numrit rendor në fletën e votimit për zgjedhjet e 30 qershorit, kandidati për kryetar të bashkisë Lezhë, Eduart Ndocaj, përmes një postimi në rrjetet sociale, u ka bërë apel votuesve lezhianë të votojnë me datë 30 qershor numrin 2 në fletën e votimit, pasi, aty mishërohet projekti dhe vizioni i të ardhmes së bashkisë Lezhë.
Ndocaj, krahas apelit për të votuar kandidaturën e tij, ka publikuar dhe disa pjesë të programit të tij elektoral, që lidhen kryesisht me aspektet e punësimimit dhe me investime të rëndësishme, në sektorët primarë, sic është porti apo dhe turzimi.
Ndocaj, ka disa premtime konkrete, për të cilat, ai, është konsultuar me eskpertizë vendase dhe të huaj, duke garantuar kështu se në harkun kohor të mandatit të tij të plotë, do të realizojë:
Ndërtimin e porti turistik;
Portin e peshkatarëve dhe tregun e peshkut, si garanci e plotë për tregtimin e produkteve të tyre;
Rikthimin e linjës së tragetit, i cili do të ketë impakt të drejtpërdrejtë në ekonominë e banorëve të zonës, si dhe dhe hapjen e mbi 200 vendeve të reja të punës në portin privat dhe shtetëror, me një rrogë mbi 400 euro në muaj.
Duhet theksuar, se programi i kandidadit Eduart Ndocaj, është një risi që vjen në këto zgjedhje, pasi ai prej kohësh ka punuar intensivisht në përpilimin me saktësi të detajeve të programit, duke ofruar kështui një besueshmëri dhe kredibilitet real në përmbushjen e tij.
