Kryetari i Amzës së Shqiptarëve me seli në Novi Sad, Demo Berisha, ka reaguar lidhur me ngjarjen e djeshme të terrorizimit të furrëtarëve shqiptarë në Beograd.
Ai u ka bërë thirrje organeve të rendit dhe politikës në Beograd që të marrin masa të mënjeherëshme ndaj këtyre provokimeve, raporton Gazeta Korrespodenti.
Berisha, dje ishte telefonuar nga Mon Gjuraj, pronari shqiptar i furrës e cila dje u terrorizua nga një grup siç i quan ai, i organizatave të djathta, të cilët e kanë për qëllim destabilizimim e gjendjes mes shqiptarëve dhe serbëve në Serbi.
“Gjatë ditës së djeshme, rreth orës 10.00 pranova një telefonatë nga pronari i furrës, i cili më tregoi për problemin e lartëcekur. Menjëherë iu përgjigja thirrjes dhe isha direkt në vendngjarje. Aty ishin një grup njerëzisht të organizatave të djathta të cilët si ide e kanë vetëm destabilizimin e gjendjes mes shqipëtare dhe serbëve në Serbi. Mendoj se ishin diku rreth 150 persona. Sipas asaj që kam parë aty, ata ishin shumë mirë të organizuar dhe me përpikëri i zbatonin urdhrat e shefave të tyre. Koroeografia që ishte aty, ishte ekskluzivisht temë e cila ngjall konflikte mes Kosovës e Serbisë. Vetura e pronarit të furrës ishte e stërmbushur me pllakata anti – kosovare dhe brohoritjet ishin me tematikë nacionaliste. Vërtetë ishte një koeografi organizuar si në një ndeshje futbolli. Pronari i furrës nuk është sulmuar, por grupacioni i kësaj organizate kishte bllokuar hyrjen në furrës, madje madje kishte bërë edhe provokime fetare siq vlen të potencohet koka e derrit në veturën e pronarit dhe brenda në vitrinën furrës. Lidhur me ekcesin e ditës së shtunë në Beograd, respektivisht në Borqë, ku cak i sulmit provokues ishte familja Mon Gjuraj – shqiptar nga Kosova, i cili jeton dhe punon 8 vitet e fundit me zanatin e bukëpjeksit”, i tha Berisha Gazetës Korrespodenti, duke shtuar se vendi ku po mbahej protesta ishte e rrethuar nga policia e vendit.
Ai thotë se Amza e Shqiptarëve e dënon këtë akt të pa hijshëm, dhe ju bënë apel organeve të rendit dhe politikave aktuale që përfundimisht të pushojnë këto provokime.
“Ftoj shqipëtarët që jetojnë dhe veprojnë në Serbi, që të jenë të matur dhe mos të bien preh e lojërave të ndrryshme politike, por të punojnë për Çfarë kanë ardhur dhe të shikojnë të ardhmën e tyre. Ftoj organet kompetente që të merren me zgjidhjen e problemeve politike mes dy popujve që veprojnë në Serbi dhe uroj që ky ekces të mbetet i fundit dhe të mos vazhdohet me raste të tilla”, përfundon Berisha në pronomcimin e tij për Gazetën Korrespodenti.
