Të rinjtë e Forumit Rinor të Partisë Demokratike të Laçit, me në krye kryetaren Enkelejda Rica, i kanë rezervuar një pritje entuziaste kryetarit të PD Lulzim Basha, i cili po kthehej nga Kukësi në kuadër të një turi takimesh me fokus sensibilizimin qytetar për protestën e datës 13 prill, e cila sipas pritshmërive mund të jetë më e madhja e organizuar deri më tani.
Me ovacione dhe thirrje të forta për liderin e tyre, këta të rinj janë shprehja konkrete e optimizmit në rrritje që PD-ja dhe aletatët e saj do vijnë në pushtet shumë shpejt, duke ngjallur shpresën e një sërë reformash që do të kryhen dhe në sajë të programit ekonomik të prezantuar nga kjo forcë politike.
Kryetarja e këtij forumi, znj. Enkelejda Rica, u shpreh për “InfoPressAlbania”, se të rinjtë e Laçit janë shembulli i përkryer i entuziasmit për Partinë Demokratike, si dhe evidentoi forcën e organizimit të këtij forumi në degën e Laçit, duke qenë në ballë të protestave kundër keqqeverisjes së Edi Ramës. Rica, ndër të tjera shtoi, se këta të rinj janë garancia e fitores së padiskutueshme të kësaj partie në qytetin e Laçit dhe më gjerë.
InfoPressAlbania
