Kryedemokrati Lulzim Basha ka mbledhur ditën e sotme Kryesinë e partisë për të diskutuar lidhur me protestat sa herë që ka seancë parlamentare, por mbi të gjitha për protestën masive të 13 prillit.
Basha është shprehur optimist duke thënë se opozita e ka situatën në favorin e saj.
“Ne jemi de facto shumica. Që pas djegies se mandateve, Partia Demokratike ka një rritje të menjëhershme edhe mes të pavendosurve. Jemi shumicë absolute në çdo sondazh të pavarur vendas dhe të huaj. Duhet ta përkthejmë sa më shpejt në votë këtë mbështetje të shqiptarëve”, është shprehur Basha.
Në këtë drejtim ai shtoi se, pjesëmarrja e lartë në protestën e 13 prillit ka një rëndësi të jashtëzakonshme, ndaj kërkoi një organizim të detajuar.
Ai ka përsëritur se kërkesat e opozitës mbeten të pandryshueshme, duke kërkuar largimin e Edi Ramës krijimin e një qeveri tranzitore dhe zgjedhje të parakohshme.
