Përjashtimi i klubit “Shkumbini” nga Kategoria e Dytë është një vendim që ngre shqetësime të mëdha, jo vetëm në planin sportiv, por edhe në atë shoqëror.
Si qytetar i lindur dhe e rritur në Peqin, por edhe si një person që për shumë vite ka mbajtur përgjegjësi publike në institucione të rëndësishme në Tiranë, e ndiej detyrim moral të shpreh qëndrimin tim.
“Shkumbini” nuk është thjesht një klub futbolli. Ai përfaqëson historinë, identitetin dhe kontributin e një komuniteti të tërë në sportin shqiptar. Vendime të kësaj natyre kërkojnë jo vetëm zbatim të rregullave, por edhe maturi, proporcionalitet dhe ndjeshmëri ndaj pasojave që sjellin.
Ndëshkimi deri në përjashtim përfundimtar duket një masë ekstreme, e cila meriton rishqyrtim të thelluar nga institucionet përkatëse.
Sot, më shumë se kurrë, kemi nevojë për vendime që forcojnë besimin e qytetarëve tek drejtësia dhe institucionet.
I bëj thirrje Federatës Shqiptare të Futbollit që ta rishikojë këtë vendim me përgjegjësi dhe transparencë.
