Pas tre javësh lufte, presidenti i amerikan Donald Trump ka filluar diskutimet fillestare mbi fazën tjetër dhe se si mund të duken bisedimet e paqes me Iranin, sipas një zyrtari amerikan dhe një burimi me njohuri.
Trump deklaroi më herët se po shqyrtonte mundësinë e “përfundimit” të luftës , megjithëse zyrtarët amerikanë thanë se pritej që të kishte ende dy deri në tre javë të tjera luftimesh. Ndërkohë, këshilltarët e Trump duan të fillojnë të hedhin themelet për diplomacinë. Të dërguarit e Trump, Jared Kushner dhe Steve Witkoff, janë të përfshirë në diskutimet rreth diplomacisë së mundshme, thonë burimet.
-Çdo marrëveshje për t’i dhënë fund luftës do të duhet të përfshijë rihapjen e Ngushticës së Hormuzit, të adresojë rezervat e uraniumit të pasuruar në nivel të lartë të Iranit dhe gjithashtu të krijojë një marrëveshje afatgjatë mbi programin bërthamor të Iranit, raketat balistike dhe mbështetjen për palët e deleguara në rajon.
-Nuk ka pasur kontakt të drejtpërdrejtë midis SHBA-së dhe Iranit në ditët e fundit, megjithëse Egjipti, Katari dhe Mbretëria e Bashkuar kanë shkëmbyer mesazhe midis të dyjave, tha një zyrtar amerikan dhe dy burime të tjera me dijeni. Egjipti dhe –Katari i kanë informuar SHBA-në dhe Izraelin se Irani është i interesuar të negociojë, por me kushte shumë të ashpra.
-Kërkesat iraniane përfshijnë një armëpushim, garanci se lufta nuk do të rifillojë në të ardhmen dhe kompensim.
SHBA po kërkon një sërë angazhimesh nga Irani, duke përfshirë:
Pezullim pesëvjeçar të programit të raketave balistike;
Zero pasurim me uranium;
Çmontimin e objekteve bërthamore në Natanz, Isfahan dhe Fordow;
Mbikëqyrje të rreptë ndërkombëtare të teknologjisë bërthamore;
Marrëveshje për kontrollin e armëve në rajon me vendet fqinje;
Ndalim të financimit të grupeve si Hezbollahu, Huthit dhe Hamasi.
Irani ka hedhur poshtë vazhdimisht disa nga këto kërkesa në të kaluarën, dhe udhëheqësit në Teheran kanë vënë në dukje vështirësinë e negociatave me një president i cili është angazhuar në bisedime në të kaluarën vetëm për t’i bombarduar papritmas ato.
