Një vullkan në rajonin verilindor të Etiopisë ka shpërthyer për herë të parë në thuajse 12 mijë vjet duke nxjerrë shtëllunga tymi deri në 14 kilometra lartësi dhe përgjatë Detit të Kuq drejt Jemenit e Omanit.
Shpërthimi i së dielës i vullkanit Hayli Gubbi në Afar zgjati për disa orë.
Një funksionar, Mohammed Seid, tha se nuk ka pasur të lënduar, por shpërthimi mund të ketë pasoja ekonomike për blegtorët. Ai tha se nuk ka të dhëna të mëparshme të një shpërthimi të vullkanit dhe trembet për jetët e banorëve.
“Edhe pse deri tani nuk ka pasur humbje jetësh e bagëtish, shumë fshatra janë mbuluar nga hiri dhe kafshët nuk kanë shumë ushqim.”
Vullkani ka një lartësi prej 500 metrash dhe gjendet në Luginën Rift, një zonë me aktivitet të lartë sizmik ku takohen dy pllaka tektonike.
Retë e hirit u endën drejt Jemenit, Omanit, Indisë dhe Pakistanit verior.
