Një vajzë 10-vjeçare vdiq krejt e vetme pasi u torturua brutalisht nga babai dhe e dashura e tij, sipas policisë.
Rebekah Baptiste u gjet pa ndjenja dhe e plagosur rëndë në shtëpinë e saj në Holbrook, Arizona, më 27 korrik, sipas zyrtarëve. Ajo vdiq tre ditë më vonë në spital.
Ajo ishte shumë mirë në mësime dhe u ishte lutur mësuesve të mos e lejonin të kthehej në shtëpi te prindërit pasi e torturonin, pak ditë para se të rrihej për vdekje.
‘Ajo kaloi katër ditët e fundit në spital vetëm dhe e vetmja gjë që një i afërm i saj mund të thotë është, ‘Më vjen keq që nuk u informuam’, tha xhaxhai i Rebekah, Damon Hawkins.
Hawkins shtoi se Rebekah ‘ishte e nxirë dhe blu nga koka te këmbët’ dhe i kishte dy sy të nxirë.
Mjekët thanë se Rebekah ishte e kequshqyer dhe e dehidratuar dhe ishte torturuar, siç raportohet nga AZ Family.
Babai i saj Richard Baptiste dhe e dashura e tij Anicia Woods u akuzuan dhe u arrestuan këtë javë për vrasje të shkallës së parë lidhur me vdekjen e saj.
Xhaxhai i Rebekës tha se ai dhe gruaja e tij kishin njoftuar Shërbimet për Fëmijët pasi kishin vënë re sinjale alarmi, por raportet e tyre u injoruan.
