Fevziu zbulon se ngjarja kulmore e komunitetit shqiptar nis me një mëngjes me kryebashkiakun Adams
E kthyer tashmë në traditë, mbahet në New York parada e shqiptarëve, një nga ngjarjet më kulmore në komunitetin e shqiptarëve në SHBA dhe jo vetëm.
Parada e përvitshme e shqiptarëve ka nisur me një mengjes të veçantë nga kryebashkiaku i New York-ut, Eric Adams, një nga përkrahësit e komunitetit shqiptar në Amerikë. Në krye të paradës është banda e policisë së New York-ut. Të ftuar në këtë event të rëndësishëm për komunitetin shqiptar, ishin edhe një grup i emisionit “Opinion” në Tv Klan.
“Kjo është hera e parë që kryetari i bashkisë së New York-ut merr pjesë vetë në hapjen e paradës me flamurin shqiptar në dorë”,shprehet gazetari Blendi Fevziu.
Eventi u zhvillua në afro 10 rrugë të New York-ut, ku u ndalua edhe qarkullimi i automjeteve.
Parada organizohet nga Albanian Roots nën kujdesin e Presidentit, Marko Kepi. Janë të shumtë emigrantët shqiptarë që marrin pjesë në këtë parade.
