Me ardhjen e vapës përvëluese, shumica e njerëzve ndjejnë lodhje, nervozizëm apo rënie të energjisë. Por për ata që përballen me çrregullime të shëndetit mendor – si ankthi, depresioni, çrregullimet bipolare apo skizofrenia – temperaturat ekstreme mund të jenë realisht kërcënuese.
Si ndikon vapa tek shëndeti mendor?
1.Rrit ndjesinë e irritimit dhe agresivitetit.
Vapa ul tolerancën ndaj stresit dhe e bën personin më të ndjeshëm ndaj ngacmimeve të vogla.
2.Nxit pagjumësi dhe lodhje ekstreme.
Mungesa e gjumit e përkeqëson çdo gjendje psikologjike ekzistuese.
3.Ndikon në efektin e medikamenteve.
Disa barna psikiatrike ndikojnë në aftësinë e trupit për të rregulluar temperaturën, duke rritur rrezikun për dehidratim apo goditje nga dielli.
4.Izolimi social rritet.
Kur është shumë nxehtë, shumë njerëz shmangin daljet, çka ndikon te ndjenja e vetmisë – veçanërisht te personat që jetojnë vetëm.
Masat që DUHET të merren:
Qëndrimi në ambiente të freskëta dhe me ajrim të mirë. Nëse nuk keni kondicioner, përdorni ventilatorë dhe mbani perdet të mbyllura gjatë sidmos mbas dreke ku nxehti është më i lartë.
Hidratimi i vazhdueshëm. Pini ujë çdo orë, edhe nëse nuk ndjeni etje.
Rishikimi i medikamenteve me psikologun ose psikiatrin.
Disa barna mund të kërkojnë dozë tjetër gjatë muajve të verës.
Ruajtja e rutinës së përditshme. Mos u izolohuni – edhe një telefonatë e thjeshtë apo dalje në orët e freskëta ndihmon shumë.
Mbështetje për të afërmit. Nëse keni dikë pranë që vuan nga çrregullime të shëndetit mendor, kini kujdes më të shtuar gjatë stinës së nxehtë. Thjesht një mesazh: “Si je sot?” bën shumë.
Vapa nuk është vetëm çështje fizike — është dhe një sfidë mendore për shumë njerëz. Tregojmë kujdes, tregojmë dashuri.
Psikologe/ Psikoterapiste
MSC.Marsela Lekli
