Kryetari i Partisë Demokratike, Sali Berisha mbrëmjen ishte në në Berat ku po prezantoi kandidatët e Aleancës Shqipëria Madhështore.
Mes kandidatëve është dhe Lefter Maliqi i cili ka reaguar ditën e sotme për të shprehur një pakënaqësi gjatë prezantimit të tij para demokratëve në Berat.
“Leftër Maliqi – oficer”, ky ishte prezantimi i bërë për kandidatin e Berishës në hapje të fushatës elektorale në Berat.
Ish deputeti i PD, aktualisht drejtuesi politik për Qarkun e Beratit, shprehet i keqardhur për këtë prezantim aspak “dinjitoz” sipas tij, ndërsa shkruan se “me 20 vite karrierë politike, s’mund t’a denigrojë asnjë ‘kodosh politikan’ në thonjëza pa vota. Uragani nuk ndalet!”
Reagimi i plotë i ish-deputetit Lefter Maliqi:
Të dashur miq ju njoh me CV time! Keqardhje për prezantimin e padenjë dje në Berat, në hapjen e fushatës.
Ju sqaroj se figurën time, me 20 vite karrierë politike, s’mund t’a denigrojë asnjë ‘kodosh politikan’ në thonjëza pa vota. Uragani nuk ndalet!
Lefter Maliqi; lindur në Berat me 03.09.1972.
I martuar dhe me dy fëmijë (dy vajza).
Arsimimi: 1987-1991 Shkolla e mesme ushtarake “Skenderbej”
1991-1993 “Akademia e Mbrojtes”,
1993-1996 “Akademia e Policise”,
2005-2006 Instituti Demokratik Amerikan,
2007-2008 “Kolegji i Lartë i Mbrojtjes (NATO),
2011-2013 Master Shkencor në “Studime Europiane” pranë Fakultetit Filologjik të Universitetit të Tiranës dhe me dhjetra trajnime per policinë e shtetit, pushtetin lokal dhe politikën.
Karriera: 1996-2005, Shef policie rendi, Shef policie kriminale, Shef komisariati në 9 qytete të Shqipërisë si: Shkodër, Mirditë, Lushnjë, Tepelenë, Gramsh, Kuçovë, Skrapar, Berat, Tepelenë, Gjirokastër
Pedagog në Akademinë e Policisë me gradën ‘Major’.
2007-2009 Kryetar i Komunës më të madhe në Qarkun Berat, në Otllak, me fitore të thellë, kundra PS dhe PD.
2009-2013 Deputet i Kuvendit të Shqiperisë për Qarkun Berat me rezultat të thellë fitoreje.
2017-2019 Zëvendës Drejtor i Përgjithshëm i Burgjeve,
2019-2021 Deputet në mandatin e dytë në Kuvendin e Shqipërisë.
2023- Kandidat për Bashkinë Kuçovë
Aktualisht Drejtues Politik i Qarkut Berat dhe Kandidat për Deputet
