Myslim Murrizi ka bërë disa pyetje të ngarkuarës me punë në ambasadën USA në Tiranë Nancy Van Horn. Murrizi thotë që dje kryeministri i Shqipërisë Rama deklaroi publikisht se vendi që ju përfaqësoni pra Amerika ka sjellë në Shqipëri vetëm Noc Rrokun.
Pyetjet që Murrizi i bën Nancy janë:
1- Kur ka ardhur në Shqipëri dhe çfarë funksioni kryen Noc Rroku?
2- Nga kush është emëruar si i dërguar i vendit tuaj dhe çfarë funksioni ekzakt ka në vendin tuaj Noc Rroku që ka ardhur në Shqipëri?
3- Kush e ka pritur në Shqipëri dhe kujt i ka paraqitur letrat kredenciale Noc Rroku?
4-Me kë është takuar gjatë gjithë kësaj kohe nga ardhja e Ramës në pushtet pra nga viti 2013 dhe çfarë ka biseduar Noc Rroku?
5- A ka informuar me shkresa, sms, tel, apo kabllogram pranë departamentit të shtetit tuaj ( DASH) Noc Rroku?
6- Çfarë mendimi dhe çfarë konsiderate ka shprehur për qeverinë Rama tek MG Gonigal Noc Rroku?
7-A ka bashkëpunuar me ish-Ambasadorin Donald Lu ose siç i thoshte Rama me përkedheli Doni dhe me ish Ambasadoren e BE Zj Vllahutin Noc Rroku?
8-Çfarë kontributi konkret ka patur dhe ka Noc Rroku për reformën në drejtësi?
9- A ka patur gisht apo dijeni Noc Rroku në dekorimin e ish-hetues Krajës, ish hetues Dvoranit, agro-jurist Agaçit, partizan Sokol Sadushit, apo i ka bërë Rrok Noci i qeveris shqiptare duke paguar Noc Rrokun tuaj?
10-A ka informuar Noc Rroku administratën e vendit tuaj për komunikimet me telefona BQ, SKY, ECKRO etj mes bandave dhe politikaneve shqiptarë për të caktuar deputetët në lista në qarqet ku bandat kanë interes?
11- A ka lidhje apo njohje ose ndonjë komunikim apo takim Noc Rroku juaj me Nocët dhe Rrokët e politikës shqiptare?
12-A ka patur bashkëpunim mes Noc Rrokut dhe ish ambasadores së vendit tuaj ZJ Kim për anijet nga Bangladeshi, Bankers Petrolin, Alamarin ose DUBAIN NR2 në Durrës, PPP, Investitorët Strategjik, tenderët sekret, Lokal Ekzonen, Tunelin e Llogarasë?
13-Si e mendon Noc Rroku investimin në ishullin e Sazanit??
14- Çfarë mendimi ka Noc Rroku për Fridën që ka rruajtur fondet e BE??
15-Si e ka pritur Noc Rroku arrestimin e ish presidentit Meta dhe është kënaqur?
16- A ka qenë dakord Noc Rroku me deklaratën e vartëses së tij zj Kim që opozita do hajë bar po nuk bënë çfarë donte Noc Rroku por që e thoshte me gojën e zj Kim?
“Eh sa pyetje me vinë ndërmend Nancy për Noc Rrokun që vendi juaj ka sjellë në Shqipëri por nuk mundem dot tua shkruaj të gjitha.
Por ngaqë pashë heshtjen tuaj totale pas asaj deklarate të sinqerte të kryeministrit Rama mbrëmë, u përpoqa të të pyes për disa pika pikante që t’ju freskoja sa të mundesha kujtesën tuaj për Noc Rrokun dhe tua sugjeroja që ta takonit sa më shpejt nëse nuk e keni takuar akoma deri të martën me datë 5 ku vendi juaj ka zgjedhjet se mbase nuk fiton Kamala dhe mund te shkarkohet nga funksioni Noc Rroku e do ju ngelet pishman.
Madje nuk keni nevojë fare më që të pyesni shqiptaret se çfarë vendi duhet të vizitoni, çfarë libri duhet të lexoni dhe çfarë ushqimi duhet të hani për të njohur më mirë Shqipërinë dhe shqiptarët sepse mund tua tregoj të gjitha vetëm Noc Rroku.
Të përshëndes Zj Nancy dhe përpiqu ta takosh këto 2-3 dite Noc Rrokun se mbas të martës ka shumë mundësi që Noc Rroku nuk të pret më në takim se do jetë shumë i ngarkuar me punë.
Ishalla po e takon nesër ose të hënën se te dielën besoj do jetë me Ramën në Selanik Noc Rroku se nuk i ndahet kurrë Noc Rroku Noc Rrokut në asnjë moment.
Edhe Zj Kim i pat thënë në sy Rama në një takim në Universitetin Bujqësor që Amerika vetëm Noc Rrokun ka sjellë në Shqipëri por ngaqë ajo u shkri duke qeshur, mendova se Noc Rroku ishte pseudonim i ndonjë funksionari “ madhor” që ne populli i thjeshte nuk duhet ta kuptonim e ta merrnim vesh, por kur e dëgjova përsëri mbrëmë, mu mbush mendja top që Noc Rroku i ardhur nga vendi juaj si “ndihmë” për Shqipërinë dhe shqiptarët qenka “aset i çmuar”.
Të përshëndes Nancy dhe te fala shume mi bëj e i thuaj të mos mërzitet se Noc Rroku do marrë shumë shpejt nga sivllezërit e tij Noc Rrokët.”, shprehet Murrizi.
