Takimet me At Nikolla Markun janë gjithmonë të një rëndësie të veçantë, pasi tek ky individ mishërohen cilësi që pakkush i ka.
Përveçse një klerik me mjaft peshë në jetën religjioze të vendit, At Nikolla Marku mbetet padyshim një personalitet i fortë i identitetit tonë kombëtar.
Pata kënaqësinë ta vizitoja nga afër dhe të bashkëbisedoja. Për t’u admiruar është eudicioni i tij, njohja e thellë mbi problematika që prekin aktualitetin dhe veçanërisht çështjen shqiptare. Teksa e dëgjoja me shumë vëmendje, përpos mësimeve të mëdha, At Nikolla Marku qartazi dëshmon atdhetarizmin e tij prej një shqiptari të madh që kurrë s’bën kompromise me asgjë kur diskutohet për identitetin tonë.
Si i apasionuar pas pikturës, i dhurova një punim timin, duke i shprehur konsideratën më të madhe për kontributin e tij prej një shqiptari të madh.
Impresionuese ishte dhurata që më dedikoi, një pikturë origjinale në ari e Shën Marisë, si mesazh i nevojës urgjente të shoqërisë sonë për virtyte që lartësohen në figurën e shenjtores, nënës Mari.
Me bekimet e tij, u ndava prej At Nikolla Markut duke marrë me vete mësime dhe impresione të paharruara.
