Pas përfundimit të numërimit të votave për kryetarin e ri të Bashkisë së Himarës, Vangjel Tavo ka bërë një reagim për mediat.
Teksa kandidati i Partisë Socialiste u shpall fitues, Tavo ka ftuar edhe njëherë publikisht rivalin e tij, Petro Gjikuria, të bëhet nënkryetar i bashkisë, pasi bashkia ka nevojë për të majtë dhe të djathtë.
“Sot fitoi Himara, fituan himarjotet, dua të falënderoj të gjithë për durimin që patën të na dëgjojnë gjatë fushatës dhe që më votuan. Që sot fillojmë punën për të gjitha ato që i kemi premtuar banorëve, të gjithë të majtë e të djathë, problemet nuk kanë ngjyrë, të gjithë të bashkuar.
Oferta ka qenë e sinqertë nëse Gjikuria nuk do largohet në Amerikë është i mirëpritur të bëhet nënkryetar bashkie, bashkia ka nevojë për të majte dhe të djathtë”, u shpreh Tavo
