Këngëtarja Xhensila Myrtezaj, në koncertin e saj në një nga lokalet e natës, u ndal pak çaste për të ndarë me fansat një moment personal.
Artistja u shpreh se ka kaluar edhe periudha të vështirë në jetë dhe me këtë deklaratë, falënderoi psikologen e saj, që ishte e pranishme në sallë. Veçanërisht, Xhensila u ndal te periudha e shtatzënisë.
Mesa duket, personi që i ka qëndruar pranë gjatë dhe pas shtatzanisë ka qenë psikologia, jo Bes Kallaku me të cilin thuhej se prej më shumë se 1 viti nuk kishin raporte të mira.
“Dua të bëj një monolog të vogël. Ndodh ndonjëherë që jo të gjithë kalojmë periudha të bukura, por e rëndësishme është që të kesh njerëzit e duhur në krah. Adelina të falënderoj shumë zemër, për gjithçka, për gjithë suportin që më ke dhënë në të gjithë rrugëtimin tim dhe gjatë gjithë shtatzënisë sime. Ishe një krah i fortë, faleminderit shumë”, tha këngëtarja.
