Spanja është finalistja e parë e Euro 2024. Në finalen e 14 korrikut, kampionët e Europës në 2008 dhe 2012 do të përballen me fituesin e ndeshjes tjetër gjysmëfinale, Angli-Holandë.
Fatet e ndeshjes u vendosën në pjesën e parë, kur Spanja përmbysi brenda pak minutave golin e shpejtë të Francës. Spanja dhe Franca ishin 90 minuta larg finales së madhe të Euro 2024, përpara ndeshjes gjysmëfinale të Mynihut, të dyja me synime të mëdha për finalen.
Spanja konsiderohej skuadër disi më favorite kundër Francës, duke fituar 38.2% të simulimeve para ndeshjes nga superkompjuteri Opta.
Sulmuesi francez Kylian Mbappé nga i cili shpresonte më shumë Franca kishte shënuar vetëm një gol nga 20 goditje të Euro 2024.
Spanja është e vetmja skuadër që i kishte fituar të pesë ndeshjet në këtë edicion, ndërsa më parë asnjë skuadër nuk kishte fituar gjashtë herë në një turne të vetëm Evropian, ose gjashtë ndeshje Euro radhazi.
Skuadra e Luis de la Fuente për finalen e madhe i fitoi të gjitha ndeshjet e këtij turneu në Gjermani, duke mposhtur mikpritësit e Julian Nagelsmann në çerekfinale me një fitore të debatueshme 2-1 në kohën shtesë.
Spanja para përballjes me Francën siguroi një vend në gjysmëfinale pas një fitore me të njëjtin rezultat si të mbrëmjes së sëtme por mes shumë polemikave përballë Gjermanisë. Nga ana tjetër, francezët fituan përballë Portugalisë vetëm falë ruletës së penalltive në çerekfinale.
Spanjë-Francë 2:1
Shënues: 21′ Yamal, 25′ Olmo / 9′ Kolo Muani
Minutat e ndeshjes
90+6′ Mbyllet me ftoren 2-1 të Spanjës ndeshja e parë gjysmëfinale!
90+4′ Dy zëvendësime te Spanja. Largohen Yamal dhe Williams, në vendet e tyre futen Torres dhe Zubimendi.
79′ Zëvendësim te Franca. Largohet Dembele dhe në vendin e tij futet Giroud.
77′ Dy zëvendësime te Spanja. Largohen Olmo dhe Morata, në vendet e tyre futen Merino dhe Oyarzabal.
62′ Tre zëvendësime te Franca. Largohen Rabiot, Kante dhe Kolo Muani, në vendet e tyre futen Camavinga, Griezmann dhe Barcola.
46′ Nis pjesa e dytë!
45+2′ Mbyllet pjesa e parë në Mynih!
25′ 2-1/ Olmo lëviz bukur dhe godet me të djathtën me Kounde që e devijon dhe e çon topin në rrjetë. (VIDEO)
21′ 1-1/ Yamal godet nga distanca dhe topi shkon në trekëndëshin e portës. (VIDEO)
9′ 0-1/ Mbappe kroson në zonë dhe Kolo Muani godet me kokë duke e çuar në rrjetë. (VIDEO)
1′ Nis gjysmëfinalja e parë në Mynih!
