Raporti mes rinisë dhe politikës duket sikur ka humbur çdo lloj reference,dhe prandaj mora shkas për të shkruar për të shtruar këtë çështje.
Politika për shumicën e rinisë shqiptare, e jo vetëm, nënkupton pushtet, para, privilegje, punësime dhe një jetë luksoze. Një numër i madh i të rinjve sot ëndërrojnë që të bëhen politikanë jo se e shohim detyrim moral apo kombëtar, por thjeshtë vetëm e vetëm që t’i gëzojnë të mirat dhe privilegjet që u mundëson ky profesion. Kjo, sado me rezultate të mira të mbarojnë studimet, kudo që të mbarojnë masterat, brenda e jashtë vendit, janë të zymta premisat për një vend pune në profesionin që kanë studiuar. Pra është i paktë numri i atyre që ende ëndërrojnë për zgjidhjen e problemeve me të cilat përballet kombi ynë.
A mund të fajësohet rinia shqiptare e shkolluar në perëndim? Patjeter qe jo, pasi rinia i studion dhe i analizon ngjarjet nga mosha madhore dhe pasi ndodhet në fazën e pjekurisë ajo shumë shpejt mund të ndikohet nga ambienti i jashtëm, duke gjykuar për moshën e saj.
Pjesa dërrmuese e rinisë sot është e politizuar, e ndarë dhe e përçarë për interesa personale duke i lënë anash interesat kombëtare. Mendoj se duhet t’i jepet fund kërkimit të interesave personale në çështjet që ndikojnë në fatin e kombit dhe t’u japim hapësirë të rinjve dhe atyre që në të vërtetë janë të denjë dhe të aftë që të ndryshojnë diçka, në Shqipëri.
E një ndër këta të rinj shqiptarë, intelektual të formuar, drejt një synimi prestigjioz dhe ambicioz për t’u bërë pjesë e politikës në vorbullën e madhe dhe pa rrugëdalje ku është qesëndisur sovrani në këto dy dekada postkomuniste.
Politika shqiptare është si një alien në planetin tokë e destinuar për të ardhur dhe për te ikur,sikur po dëshmojnë disa politikëbërës. Problemi tjetër lidhet me faktin se politika e brendshme në momente të caktuara dhe të rëndësishme nuk i jep precedencë politikës së jashtme duke mos analizuar apo angazhuar grupe ne drejtime te posaçme për arritje. Shembull konkret dhe tipik i kësaj është ngërçi i vazhdueshëm i politikës shqiptare që ka bllokuar procesin e integrimit të vendit në BE. A duam ne me të vërtetë të jemi ne eurozonë ?A duan pushtetarët tanë të jemi pjesë e kontrolluar e eurozonës? Unë mendoj qe jo!
