Nga Eduart Ndocaj
Suksesi i Krytarit të PD, Lulzim Basha në Këshillin e Europës për rezolutën e Ukrainës dhe të Kosovës, është sukses për demokratët, shqiptarët dhe Shqipërinë. Profesionalizmi, analiza e thellë dhe njohja e tij në nivel ndërkombëtar, eksperiencat e tij si lider dhe si ish Ministër i Jashtëm që bëri të mundur anëtarësimin në Nato dhe liberalizojë vizat u dëshmuan dje si vlera të jashtëzakonshme.
Basha me stilin e tij prej një lideri perëndimor dhe europian dhe po ashtu me zemrën e tij prej patrioti dëshmojë edhe një herë që është një vlerë e shtuar në realitetin politik shqiptar, ku pjesa tjetër sulmojnë drejtësinë e re për të mbrojtur status quon e tyre. Shqipëria dhe PD kanë nevojë për rolin dhe kontributin e Lulzim Bashës, si i vetmi lider aktual që mbështet pa rezerva Spak dhe drejtësinë dhe po ashtu që mendon realisht për të ardhmen dhe sigurinë e Kosovës duke qenë i vetmi që ka propozuar një akord prej 50 milion eurosh nga Buxheti i Shteti në shërbim të sigurinë së Kosovës!
Rezoluta e propozuar nga Basha dhe votuar nga Parlamenti Europian për Ukrainën dëshmon edhe njëherë largpamësinë që ka Basha si lider jo vetëm për të ardhmen e Shqipërisë, por edhe në angazhimin e drejtpërdrejtë të kësaj të fundit si aleate e palëkundur e SHBA, UK, Nato dhe BE! Shqiptarët duhet të shikojnë e të kuptojnë se kush është lider që lufton për interesat e tyre e duhet të bëjnë dallimin me liderët e tjerë të aktualitetit politik që hallin më të madh kanë hallin e tyre personal në përballje me drejtësinë për shkak të zullumeve që kanë bërë në këto 30 vite duke e trajtuar e konsideruar Shtetin dhe politikën si pronë private. Koha është dëshmitarja më e mirë që qartëson ujërat e turbullta dhe i jep secilit atë që i takon përmes asaj që ka bërë, duhet të bënte më mirë dhe që nuk e ka bërë fare.
Basha me propozimet e tij për reformën e zgjedhore si:
Listat e hapura
Shqipëria një zonë
Vetingu i politikanëve
Vota e Diasporës
Janë propozime më serioze që janë në shërbim të demokraci dhe të interesat publik të shqiptarëve.
