Zgjohemi çdo ditë me lajme të trishta; u vra, u dhunua, u shty drejt vrasjes, e më tutje vazhdon faza e përdhuninit të kufomës nga media, nisën përbaltja dhe rivrasja e dytë…
Nis lumi i komenteve diarre që tek i lexon je gati të kalosh në atak kardiak.
Tik-toku dhe viktimat e tij që në pak kohë po shenojnë raste me humbje jete sa vet lufta , por këtu nuk ka luftë, këtu ka uqër, lubi, njerëz pa moral, pa zemër që sulmojnë viktimat pa mëshirë…
Nuk do ta analizoj si? As tek? As pse?
Mirë që i vrasin gratë, apo i shtynë drejt vrasjes, por ngrihet i madh e i vogël t’i baltosë e t’i vrasë për së dyti…
Aq fantazi të çthurur dhe mizore kanë sa as në skenare filmash me shenjën x nuk i gjenë…
Po ku shkoi morali i shqiptarit që i vdekuri respektohet?!
Sido që të ketë qënë jemi mësuar të themi:” ishte njeri i mirë i shkreti… e zeza e vetes…”
Ndërsa tani sheh një batalion gazetarësh, familjarësh, port-halesh që të vrasin “për qefi” për disa klikime, se kanë fëmijë këto gra, se kanë familje s’ka gjë… o burra të kapim lajmin, ta shpikum lajmin…
Nërsa ka një ushtri burrash manjak, të çmendur, që nuk e njohin kodin e nderit të gatëshëm për viktimën e radhës…
Po vdes njerëzillëku motra e vëllezër!
Ju mëshiroftë i madhi zot!
Po e vrisni çdo ditë nga pak shpresën se në këtë vend mund të jetohet.
Nuk kanë faj platforma ,por shteti që nuk merr masa, që nuk i kalb burgjesh dy tre nga këta “boss-ët” e tik-tokut dhe të zënë mend të tjerët.
Shteti që kur ankohen për raste të tilla, nuk i merr seriozisht rastet deri sa shenojnë humbje jetësh…
Në këtë vend është vrarë njerëzillëku, mëshira, dhimbja për tjetrin.
“Njerëzillëku” i kafshëve dhe “kafshëria” e njerëzve janë pa limit në vendin e shqipeve!