Partizani nuk i ndahet fitoreve në fundin e takimit. “Të kuqtë” siguruan një tjetër sukses në minutat e fundit, këtë herë në fushën e Laçit falë një goli në minutën e 94.
Pjesa e parë, në Laç mes vendasve dhe Partizanit përfundoi pa gola. Edhe fraksioni i dytë i lojës dukej sikur nuk do prodhonte gola dhe ndeshja do përfundonte në barazim.
Por siç e ka bërë në ndeshjet e fundit, Partizani arriti të shënojë një gol në limitet e kohës shtesë me autor Taipin, pikërisht në minutën e 94 duke marrë tre pikët.
Me këtë fitore Partizani mban vendin e dytë edhe pse ka një ndeshje më pak të zhvilluar se Egnatia kryesuese. Në ndeshjen tjetër të luajtur në orën 14:00, Tirana fitoi pastër 2-0 ndaj Teutës.
Për bardheblutë spikati Hasani me dy gola, një për cdo pjesë. Me këtë sukses Tirana mban vendin e tretë ndërsa Teuta rënditet në vendin e parafundit.
