Ditën e sotme kryetari i Partisë Demokratike zyrtare, Lulzim Basha do të mbledhë në orën 11.00 Këshillin Kombëtar.
Në mbledhjen e sotme, 9 shtator, Këshilli Kombëtar do të zgjedhë kryesinë e Kuvendit, sekretarët, nënkryetarët dhe zëdhënësin e grupit të PD-së.
Vetë Basha ka thënë se nuk do të jetë kryetar i grupit parlamentar dhe se atë funksion do ta delegojë tek njëri prej 4 nënkryetarëve të tij zgjedhur.
Mbledhja do të bëhet pikërisht në sallën ku pak ditë më parë, Gazment Bardhi thirri takimin e të gjithë demokratëve, ku mori vetëm Sali Berisha, por Basha nuk ishte i pranishëm.
Ftesës së Gazment Bardhit krahas 41 deputetëve demokratë, vetë Sali Berisha iu përgjigj me pjesëmarrje madje edhe duke komentuar.
“Ky takim i ynë sot është mesazhi më i duhur që ne u dërgojmë mbi 600 mijë qytetarëve që në kushtet më të pabarabarta në 32 vite, qëndruan si idealist dhe votuan opozitën në farsën elektorale të 14 majit”, tha ai.
Në këtë takim thithur nga Gazment Bardhi munguan 16 deputetë demokratë të cilët janë rreshtuar pro Lulzim Bashës.
Ndërsa më 2 shtator Basha mblodhi Kuvendin kombëtar të PD-së, ku u miratuan ndryshimet statutore, sipas të cilit kryetari i PD-së merr dhe postin e kreut të grupit parlamentar të PD-së.
Basha tha se Bardhi është shkarkuar nga kreu i grupit, ndërsa këtë detyrë që Kuvendi Kombëtar ia kaloi atij një ditë më parë, tha se do t’ia delegojë një nga nënkryetarëve.
Për këtë reagoi menjëherë edhe Gazment Bardhi, i cili shkoi në një postim në rrjetet sociale se Basha jeton në deziluzion.
“Të jetosh në deziluzion, është fatkeqësi personale. Të mashtrosh me vetëdije të tjerët dhe mbi të gjitha veten, për të disatën herë, është e pafalshme!”, shkroi Bardhi.
Ndërkohë pas këtyre replikave në distancë, Basha dhe Bardhi patën një përplasje verbale në Kuvend, teksa kryetarja Lindita Nikolla lexoi vendimin se kyetari i PD, tani ishte edhe kreu i grupit Parlamentar.
Bardhi tha se kur Nikolla lajmëroi se Basha ishte kryetar i PD, ai shtoi butonin për të folur. Mirëpo, në këtë moment Basha i tha Bardhit që të mos bëjë sherr.
Lulzim Basha nuk u ndal këtu dhe i ka dërgoi një tjetër mesazh kreut të Grupit, Gazment Bardhit gjatë mbledhjes së Kolegjit të Kryetareve.
“Udha e mbarë i qoftë në bunkerin anti-amerikan”, tha Basha, duke shtuar se “PD nuk e dëmtoni dot më”.
Basha theksoi se “cilido që kërkon ti bashkohet aleancës së kullës së korrupsionit është i lirë, por mos të mbajë flamurin e demokratëve apo të flasë në emër të tyre, por të flasë në emër të interesave personale apo të trekëndëshit të Bermundës”.
