Nga Endri TAFANI
Duhet jemi të ndërgjegjshëm që i duhet dhënë meritë PD dhe opozites që ka mbajtur gjallë çështjen e inceneratoreve për disa vite rresht duke detyruar SPAK të lëvizë.
Denoncime publike, kallëzime penale, mbledhje dhe depozitim provash, komisione hetimore parlamentare, mbajtja gjallë e temës në media dhe debatin politik. E gjitha kjo ka ndodhur për një periudhë 3 vjeçare. Një periudhë e gjatë presioni opozitar që nuk mund të injorohej nga SPAK.
Një periudhë e gjatë presioni të vazhdueshëm pothuaj të ditpërditshëm që nuk i jepte mundësi SPAK të zvarriste hetimet. Një grumbullim dhe depozitim i vazhdueshëm provash të reja që nuk i jepte mundësi SPAK të mbyllte hetimet për mungesë provash.
Më në fund kemi në gjykatë një dosje voluminoze, domethënëse dhe pas hekurave politikanë të akuzuar për korrupsion në një aferë qindra milionëshe.
Është ajo që duan gjithë shqiptarët dhe përtej çdo përkatësie politike, duke lënë mënjanë një moment rolin e SPAK (që e ka për detyrë këtë gjë), duhet të jemi të ndërgjegjshëm, që për këtë gjë PD dhe opozita ka luajtur një rol kryesor duke ndikuar që shqiptarëve t’u jepet ajo që dëshirojnë. Burg për politikanë të përfshirë në korrupsion.
Urime opozitës!
