Kolegji Zgjedhor ka rrëzuar padinë e Partisë Demokratike të udhëhequr nga Enkelejd Alibeaj për mosregjistrimin e koalicionit “Bashkë Fitojmë” në zgjedhjet e 14 Majit.
Sipas PD-së koalicioni ‘”Meta-Berisha” ka shkelur ligjin duke përdorur emrin dhe simbolin e Partisë Demokratike, për këtë arsye u kërkua ç’rregjistrimi i këtij koalicioni dhe për të mos garuar në zgjedhjet e 14 majit.
Me vendimin e dhënë nga Kolegji Zgjedhor, koalicioni Meta-Berisha do të vijojë garën për zgjedhjet lokale të 14 majit.
Trupa që mori vendimin përbëhej nga Sokol Ibi, Manjola Xhaxho, Edlira Petri, Esmeralda Xhili dhe Alma Kolgjoka.
“Bashkë Fitojmë” quhet koalicioni i Sali Berishës me Ilir Metën, Vangjel Dulen e Nard Ndokën.
