Nga Eduart Ndocaj
Lezha është një realitet i tillë gjeo-ekonomik që nuk i meriton eksperimentet me drejtuesit e saj, aq më tepër kur këta nuk vijnë përmes alternativave dhe programeve konkrete, por si produkt i konjukturave dhe allishverisheve politike.
Rasti i 2019-s, kur në krye të kësaj bashkie erdhi një individ që as në mallkimet më të rënda nuk imagjinohej, dëshmon një krizë të madhe të sistemit të vlerave të përfaqësimit, ku për fatin e mirë Lezha ka potenciale dhe personalitete të gjithanshme, me të cilat krenohet dhe lartëson emrin e saj.
Pas 4 vitesh të errëta dhe me plot skandale të mëdha, kryebashkiaku i pakicës dhe i mospërfaqësimit të vullnetit të qytetarëve lezhianë, duhet të marrë ndëshkimin me votë masive të zgjedhësve të bashkisë Lezhë, si shpagim për përçminin e treguar ndaj tyre.
Lezhës dhe banorëve të saj, nuk u ka munguar sqima dhe finesa e arsyetimit të tyre, ndaj dhe më 14 maj të japin mesazhin e duhur në drejtim të vlerësimit dhe peshimit objektiv të alternativave. Nga njëra anë është banditi me uniformë policie, që nuk e lidh asgjë me këtë komunitet, dhe nga ana tjetër kemi një personalitet me vlera të mëdha intelektuale, humane dhe qytetare si dr. Pashk Gjoni, i cili fisnikërinë dhe karizmën e tij e shpërfaq në çdo aspekt të veprimtarisë së tij.
Me rolin dhe kontributin e tij, lidhjet shpirtërore dhe farefisnore me këtë komunitet, pafyshim që dr. Pashk Gjoni do t’i japë një dimension krejt tjetër Lezhës dhe perspektivës së saj, pasi formimi dhe rrënjët e tij qytetare nuk e lejojnë të jetë ndryshe, përveçse përfaqësues i denjë i saj. Fitore dr. Pashk Gjoni
Miqësisht, Eduart Ndocaj
