DENONCIM I ZËDHËNËSES SË FUSHATËS PËR BASHKINË E TIRANËS, SILVI BARDHI
Erjon Veliaj krenohet për punë, por këto punë janë duke u kryer nga një kompani e vendosur nën sekuestro nga Gjykata e Posaçme Kundër Korrupsionit dhe Krimit të Organizuar.
“Alesio 2014” është kompani e Anton Gjinaj i njohur si Pashuk Gjini, i dënuar për trafik droge në Spanjë. Ai është dënuar nga Gjykata Provinciale e Alicantes në vitin 2010, me 8 vjet e 9 muaj burgim për veprën penale të trafikimit të lëndëve narkotike në kuadër të grupit të strukturuar kriminal.
“Alesio 2014” është kompania e cila shtron rrugët me të cilat krenohet ccdo ditë Erion Veliaj.
Ai krenohet me punë të kryera nga trafikantë droge.
Fotot tregojnë makineritë e kësaj kompanie e cila funksionon edhe pas sekuestrimit të kompanisë.
“Alesio 2014” është një prej 23 kompanive të
sekuestruara të Anton Gjinajt i cili sipas SPAK rezulton se bashkë me familjarët e tij kanë një nivel të pajustifikuar ekonomik dhe dyshohet se këto pasuri të paluajtshme apo të luajtshme, t’i kenë fituar si rezultat i veprimtarisë së tij kriminale që ai ka zhvilluar në Shqipëri dhe Spanjë.
Tirana nuk meriton më asnjë ditë të drejtohet nga një kryebashkiak i cili partner ka kriminelët, trafikantët dhe bandën e hajdutëve.
