Kreu i Grupit Parlamentar të Partisë Demokratike Enkelejkd Alibeaj ka reaguar pas arrestimit të ish-kryebashkiakut të Vorës Agim Kajmaku në Itali, pasi u kap me 20 kg kokainë.
Alibeaj kujton një shprehje të kryeministrit Edi Rama i cili e krahasonte Kajmakun me veten. Ai thotë se kur PD e denoncoi me fakte Agim Kajmakun Rama e mbrojti dhe ia fshehu drejtësisë.Nga ana tjetër, Alibeaj ironizon duke shtuar se është kurioz se çfarë do të thotë sot shefi i rilindjes për një trafikant që e bëri kryetar bashkie si shumë të tjerë.
Enkelejd ALIBEAJ:
E mbani mend kur Edi Rama thoshte “Gimi është si puna ime”? E kishte fjalën për Agim Kajmakun, ish-kryetar i bashkisë Vorë, sot i arrestuar në Itali për trafik droge.
Kur PD e denoncoi me fakte aktivitetin kriminal të Kajmakut në Greqi, Rama e mbrojti, e justifikoi dhe e ia fshehu drejtësisë sa mundi. Nuk hoqi dorë asnjëherë prej sojit si ai, madje atë e përfshiu së fundmi edhe në zgjedhjet e 6 marsit në Vorë!
Kurioz jam të dëgjoj se çfarë do thotë sot shefi i Rilindjes, për një trafikant droge që e bëri kryetar bashkie, siç bëri shumë të tjerë, deputetë e drejtues të lartë të pushtetit të tij. Nuk pres as të skuqet e as të zverdhet, sepse është i nxirë faqje të gjithëve nga raportet e DASH dhe ODHIR!
Me shumë gjasë sot, Edi Rama i zënë prapë mat, do zgjedhë kodin mafioz të heshtjes!
Denoncimet e PD në të gjitha rastet për të inkriminuarit e tij janë vërtetuar dhe është provuar se pushteti i tij, është pushtet i marrë me kriminelë e trafikantë droge dhe me votat e non gratave të tij.
Agim Kajmaku është prova më e qartë për këtë. Edi Rama erdhi në pushtet me ndihmën e krimit që blenë e mblodhën vota për Rilindjen, dhe vazhdon të qëndrojë në pushtet me votat e krimit e të non gratave.
