Gjokë Mulaj: Zë melodioz në diapazonin e zërit të burrave, me interpretim shumë të mirë!
Artisti Pllum Vatnikaj, tashmë shpërthimi pasionant me të ardhme për muzikën tonë popullore e të folkut, garanci brezash në mbijetesën profesionale, një kolonë e fortë në përcjellje për brezat, asaj të kulturës tonë në muzikë e cila është art.
Këngëtari 31 vjeçar Pllum Vatnikaj ka lindur në fshatin Shëngjergj të Mërturit-Tropojë. Ai ka filluar karrierën në moshën 13-vjeçare me kishat katolike në Shkodër, pastaj nis aktivitetin e tij si këngëtar në disa festivale kombëtare, si Kosovë, Mal të zi, Maqedoni, Shqipëri, etj, për ta pasuar pasionin e tij në dasma e koncerte në disa shtete të Europës si; Itali, Zvicër, Gjermani, Austri, Greqi dhe në plotë gëzime familjare deri ne vitin 2018, i cili largohet në SHBA për një jetë më të mirë, por atje vazhdon menjëherë aktivitete të ndryshme për shqiptarët e Amerikës, duke vazhduar reportorin me disa këngë që patën mjaft sukses. Suksesi i madh vjen me këngët; Epja Zot Nikaj-Mërturit, Tropojan emrin e kam, Nimo Zot e Ora e Shalës, Në sofër të Dukagjinit mirë se keni ardhë, Zana e Dukagjinit! Tashmë i rikthyer në Shqipëri pas 4-vitesh, po përgatitet për publikun me koncertin e parë recital në Shkodër me datë 28 maj 2022 ( BLYE SKY, ORA 19:00) ku reportorit të tij do ti shtohen për herë të parë edhe 4 këngë të reja duke ju shtuar këngëve të mëparëshme.
Gjithashtu koncertit recital të Pllum Vatnikaj do ti bashkëngjiten grupe vallëtarësh e këngëtarë profesionistë nga Nikaj-Merturi, Kosova etj.
Ndërsa prosori i muzikës Gjoke Mulaj, për këngëtarin Vatnikaj ka dhënë këtë opinion:- Këngëtari Pllum Vatnikaj është me fillime shumë të mira, në katër këngët e realizura dhe shumë profesionist.
Është këmbëngulës dhe pasionant në këtë fushë si këngëtar. Ka një zë melodoz shumë të mirë në diapazonin e zërit të burrave, shqipton fjalën mirë dhe interpreton shumë mirë. Vlen të vlerësohet se tek këto këngë, ka bërë gjetjen e cila ka shumë rëndësi si p.sh, Epja zot Nikaj-Mërturit, Ora e Shalës, etj… dhe po vazhdon në rrugë të mbarë si artist.
Ndërsa unë si gazetar e vlerësoj këngëtarin Pllum Vatnikaj, si zërin brilant të alpeve, përcjellësin me të ardhme të muzikës tonë popullore e folkut. (Agron Prebibaj/ Infopressalbania)
