Ilir Allkja, mjek
Taulant, ti u shprehe sot në parlament që ti dhe kopeja jote nuk mund të votojë genocidin serb ndaj 8000 fëmijëve e burrave të pafajshëm në Sebrenicë
për arsyen e vetme se këtë e propozoi Sali Berisha, pasi për kopenë tuaj ky është i vdekur politikisht dhe nuk duhet të ishte në sallën e Kuvendit.
I panderuar z. Balla, ti je deputet në Kuvendin e Shqipërisë prej 17 vitesh, por për mua personalisht, për qindra mijëra shqiptarë ti nuk duhej të ishe as 17 ditë, por ja që ti je, e madje je si deputeti më i votuar!
Kjo është politika i panderuar z. Balla, kështu ndodh, nuk mund të zgjedhësh kundërshtarin, por ti si i pashkollë që je nuk mund ta dish, pasi gjimnazin ende se ke mbaruar, ndërsa atë palo doktoraturë për shkenca politike, nuk arrite as ta kopjoje siç duhej.
Krahasuar me ty, z. Balla, Sali Berisha vjen nga bota akademike, ka dhjetëra botime shkencore dhe një karrierë tejet të pasur profesionale dhe politike me dështime e suksese por krejt ndryshe nga ty, nuk është përfolur kurrë për lidhje me trafikantë e kriminelë.
Dhe dua të të them edhe diçka e uroj të të vlejë; njerëzit vdesin, profesionalisht, politikisht, moralisht por edhe fizikisht, është e pasangshme!
Të gjithë do të plakemi e do të vdesim një ditë, por ka njerëz që shkëlqejnë edhe me vdekjen ashtu sikundër ka plot të tjerë që jetojnë të turpëruar!
