Dega 2 e Partisë Demokratike në Tiranë ka akuzuar Komisionin e Rithemelimit se po bën zgjedhje farsë dhe të njëanshme, duke përjashtuar anëtarë që janë kontributorë të vjetër të PD, por kanë mbështetur Kuvendin e 18 Dhjetorit dhe Lulzim Bashën.
Në reagimin në rrjetet sociale, kjo degë shprehet se në shumicën e zonave zgjedhore në njësinë 2, pjesëmarrja e anëtarësisë ka qenë në nivelet jo më shumë se 30% dhe duke lënë jashtë këtij procesi anëtarë, drejtues seksionesh e grupseksionesh, te cilët kanë mbajtur peshën kryesore dhe kanë dhe meritat e padiskutueshme për rritjen e votave te PD në njësinë 2 me afro 60% ne zgjedhjet e fundit.
Dega 2 e PD i bën thirrje anëtarëve që janë të angazhuar me Komisionin e Rithemelimit se deri në një vendim të formës së prerë të Gjykatës për vendimet e Kuvendit të 11 dhjetorit, të ndërpritet procesi zgjedhor, pasi kjo që po ndodh sjell vetëm përçarje në PD.
Reagimi i plotë:
QENDRIM I KRYESISE SE DEGES 2 PD, TIRANË
Partia Demokratike e Shqipërisë, Dega 2 Tiranë, kundërshton me forcë procesin dhe farsen e zgjedhjeve të njëanëshme që po zhvillohet në njësinë 2, nga disa anëtarë të Pd të cilët janë vetëquajtur si Komisioni i Rithemelimit i Degës 2.
Në të gjitha Grupseksionet ku kanë tentuar të zhvillojnë procese zgjedhore dhe në rastet kur ka patur pjesëmarrje ato procese kanë qënë përjashtuese duke lënë jashtë dhe përjashtuar anëtarë të cilët janë kontributorë të vjetër të PD.
Në shumicën e zonave të tjera zgjedhore në njësinë 2 , pjesëmarrja e anëtarësisë ka qenë në nivelet jo më shumë se 30% dhe duke lënë jashtë këtij procesi anëtarë, drejtues seksionesh e grupseksionesh, te cilët kanë mbajtur peshën kryesore dhe kanë dhe meritat e padiskutueshme për rritjen e votave te PD ne njlrsinë 2 me afro 60% ne zgjedhjet e fundit.
Mëkati i vetëm i këtyre qindra demokratëve, është se kanë mbështetur PD dhe Kuvendin Kombetar të saj ne dt 18 dhjetor!
Ndryshe nga sa propagandohet në media nga anëtarët e Komisionit të Rithemelimit për bashkim, i gjithë procesi reflekton përçarje dhe jo bashkim.
Kryesia e degës 2 PD Tiranë, sot në mbledhjen e radhës ra dakort se do të vazhdojmë të gjithë bashkë të qëndrojmë të palëkundur për bashkim, bashkim i cili duhet të mbështetet në vlerësimin e kontributeve të gjithësecilit, në një proces gjithëpërfshirës, transparent dhe ku të garantohej vota e lirë!
I bëjmë thirrje asaj pjese të PD e cila sot është e angazhuar me Komisionin e Rithemelimit, se deri sa te kemi vendim te formes se prere per regjistrimin e Vendimit te Statutit te propozuar ne dt 11 dhjetor nga Komisioni i Rithemelimit, procesi zgjedhor duhet te nderpritet si jo ligjor dhe aq me pak legjitim.
Në momentin kur gjykatat të jenë shprehur përfundimisht, të gjithë bashkë jemi të angazhuar për të nisur një proces zgjedhor sipas normave te statutit dhe i cili do garnatojë një PD bashkë dhe fituese!
Çdo tentativë për të ecur në një proces të njëanshëm e përjashtues nuk ka qëllim bashkimin e PD, por dëmtimin e saj të pashmangshëm!
Ne do të vazhdojmë betejën tonë për një PD fituese, të bashkuar dhe rreth vlerave demokratike dhe euroatlantike!
