Deputetja e Partisë Demokratike, Jorida Tabaku, e cila ishte kryetarja e komisionit hetimor parlamentar të inceneratorëve, në një postim në rrjetet sociale i ka bërë sërish thirrje SPAK-ut që të veprojë për të kthyer sundimin e ligjit.
Tabaku e ka vënë theksin këtë herë tek inceneratori i Tiranës.
“Ndërsa shqiptarët mësojnë përditë e më shumë për aferën 430 milion euro të inceneratorëve shumë kush pyet për Tiranën.
Nuk janë gabim! As mendojnë gabim! Pasi faktet që mund ti ndiqni më video flasin vetë”, shkruan Tabaku teksa publikon këtë video nga raportimi në komisionin hetimor.
Postimi i plotë:
Ndërsa shqiptarët mësojnë përditë e më shumë për aferën 430 milion euro të inceneratorëve shumë kush pyet për Tiranën.
Nuk janë gabim! As mendojnë gabim! Pasi faktet që mund ti ndiqni më video flasin vetë.
Erion Veliaj ka qenë në dijeni të projektit, kurrë nuk lajmëroi Këshillin Bashkiak dhe orkestroi me Grupin e Strukturuar Kriminal vjedhjen e mbi 330 mln eurove në aferën e inceneratorit të Tiranës.
Shqipëria sot është në një krizë të thellë ekonomike, paguan sot e kësaj dite inflacionin sepse kontrata është stisur kështu. Një kontratë e tillë që merr nga taksat e shqiptarëve për një incenerator inekzistent flet vetë.
Ndaj SPAK duhet të veprojë për të kthyer sundimin e Ligjit!
