Ish-deputeti Alqi Bllako nuk është arratisur. Kështu thuhet në njoftimin për shtyp të Drejtorisë së Policisë së Shtetit të pak minutave më parë. Ky reagim vjen pas lajmeve të disa mediave se ish-deputeti kishte udhëtuar drejt Dubait për t’i shpëtuar drejtësisë.
“Drejtoria e Përgjithshme e Policisë së Shtetit, informon publikun se përkundër disa lajmeve të rreme mbi arratisjen e shtetasit Alqi Bllako, ky shtetas ndodhet në Drejtorinë Vendore të Policisë Tiranë që prej mbrëmjes së djeshme.
Sqarojmë se shtetasi Alqi Bllako është vetëdorëzuar konform detyrimit ligjor për zbatimin e masës së sigurisë “Arrest në burg”, lëshuar dje nga Gjykata e Posaçme e Shkallës së Parë për Korrupsionin dhe Krimin e Organizuar”, thuhet në njoftimin zyrtar.
Vijon…
