Akrepat e orës këtë mëngjes kanë lëvizur 60 minuta përpara, në datën 27 mars. Këtë të dielë do të flemë një orë më pak, pasi ora 7:00 e mëngjesit me orën e re do të jetë 8:00.
Në orën 02:00 të mëngjesit të kësaj të diele akrepat e orës janë shtyrë me1 orë përpara, duke shënuar orën 03:00.
Ky ndryshim ndodh në javën e fundit të marsit dhe zgjat deri në javën e fundit të tetorit.
Llogaritja verore e kohës fillon të dielën, në mëngjesin e 27 marsit, në orën 02:00 pas mesnate, kur me zhvendosjen e akrepave për një orë përpara koha do të llogaritet si 03:00 pas mesnate. Kjo do të thotë se do të flemë një orë më pak, por do të kemi një orë më shumë me dritë.
Ndryshimi i akrepave është një proçes i unifikuar në gjithë Evropën. Ora e shteteve evropiane ndërrohet në një kohe. Ndryshimi i saj u vendos si ligj evropian në vitin 1981. Norma evropiane përcakton në mënyre të qëndrueshme datat e fillimit të periudhës së orës verore, ku akrepat lëvizin 60 minuta para dhe orës dimërore kur ajo shkon 1 ore pas.
