Shpetim Axhami, kryetar i PLL
Viti i Ri, shpresë e re për të gjithë??
Te dashur legaliste dhe legalistë kudo ku jeni e jetoni.
Ju përfaqësusit e pjesës më të shëndoshë të së djathtës shqiptare, ju që jeni forca e kuraja e punës tonë për të ndryshuar të ardhmen e shoqërisë, tejçues të filozofisë zogiste progresiste;
Ju uroj shëndet në familjet tuaja dhe plot suksese përgjatë Vitit të Ri 2022.
Viti që lam pas ishte nje vit i ngjeshur me aktivitet të madh politik përballë një mazhorance që ka devijuar jo pak prej standarteve demokratike ne vend dhe jo të pakta ishin dhe mbeten gjithashtu problemet e tjera politike ekonomike dhe sociale ku tranzicioni ngelet i vazhdueshëm me një Shqipëri që fatkeqësisht dita ditës po zbrazet.
Ju legalistët si gjithmonë edhe përgjatë asaj çfarë ndodhi dhe u zhvillua gjatë këtij viti që po lëmë pas, qendruat stoik e të vendosur, fisnik dhe tolerant, besnik dhe mbi të gjitha mbështetës të ndryshimit dhe zhvillimit pavarsisht asaj që nuk u arrit me 25 Prill 2021.
Përveç aksionit politik zgjedhor, jeni ju që treguat sesi duhet të funksionoj një demokraci e brendshme politike brenda një subjekti politik, duke zhvilluar përgjatë vitit 2021 një Kuvend të XX-të kombëtar të PLL model e konkurues, ku ditëm gjithashtu që nëpërmjet Këshillit Kombëtar në mënyrën më demokratike të zgjedhim të gjitha strukturat e reja drejtuese të gatshme për aksion të ri politik për vitin të Ri që po vjen.
Nderkohë gjej rastin të kujtojmë me nder dhe respekt të gjithë legalisto-zogist që u ndanë prej nesh pergjatë këtij viti që po lëmë pas, i paharruar kujtimi i tyre.
Ku vit ka krijuar probleme dhe ka sjellë situata të atilla që bëjnë detyruese dhe të domosdoshme një reflektim për risi, për ridimensionim dhe riorganizim në strukturë dhe në ide tonin.
Viti që po vjen uroj të jetë një vit i mbarë dhe i sukseshëm për të gjithë ne, prandaj edhe njëherë GEZUAR 2022.
Me ndihmën dhe bekimin e Zotit, me punën e përditshme dhe nga gjithsejcili besojmë dhe shpresojmë që ky vit i Ri që po vjen të jete një vit ndryshe dhe një vit suksesesh per të gjithë, në jetën dhe punën tonë.
Per legalistët, subjektin tonë politik ky vit do të jetë një vit sfide ku menjëherë do të nis një punë në bazë kundrejt një fryme të re politike organizative brenda nesh për t’u paraqitur adhtu si edhe duhet përpara shoqerisë tonë si alternativë e djathtë me program konkret zhvillim për të i dhënë fund këtij tranzicioni e për të mundësuar integrimin e vendit.
Legalistët të shumtë në numër, të nëpërkëmbur e të zhgënjyer nga politika jo e drejtë e deritanishme do të dijnë sesi të bashkohen me kurajo e sakrificë për të krijuar frymë të shëndoshë drejt së ardhmes dhe kauzës tonë historike.
Ka ardhur momenti, të mos shikojnë vetëm me kë mund të bashkëpunojmë e ku mund të bashkohemi, PLL ka vlerat, alternativat dhe potencialet e veta ku fare mirë sibjekte dhe grupe intersi të tjera mund dhe duhet ta shikojnë si produktiv bashkëpunimin me ne.
PLL eshte krijuar si subjekt më vete si alternativë që mund të vetqeverisë dhe për këtë duhet të afroj dhe krijoj hapsira të reja e të drejtpërdrejta për të gjitha potencialet kombëtare.
PLL dhe legalistët bashkëpunimin do e shikojnë si reciprioritet, si bashkërendim idesh si domosdoshmëri ndryshimi e afatgjatë për ne dhe jo si përfitim momenti.
Prandaj duke ju uruar shendet, suksese dhe lumturi familjare për vitin e Ri 2022, shpresojmë dhe besojmë që ky vit të jetë një vit bashkimi forcash dhe idesh progresive për të lartësuar aty ku duhet PLL dhe për tu bërë frymëtarë të filozofisë zogiste “ATDHEU MBI TË GJITHA”??
Zoti na bekoftë të gjithve.
